Related Articles
Gangaw Peng Kahdohnak Ruangah Minung Thong 20 Hrawng An Zaam! Magwe ramṭhen, Gangaw peng khua cheukhat ah SAC ralkap pawl cu March 20 ah an luh hna caah khuate 5 in minung thong 20 tluk cu a himnak hmun ah an zaam hna, tiah theih a si. SAC ralkap pawl cu Pyusawthi pawl he rallam an rak sial i an ratnak lampithluan ah PDF he an i kap, tiah min langhter lo Mintha khua mi pakhat nih a chim.
“SAC ralkap le Pyisawthi an ra ti kan theih caah kan thinphang i kan zaam, Pyusawthi pawl hi an khua inn khanghpiak an ton ve hnu in SAC ralkap bochan in an sual ngai. Tuzing zong ah Chaungkoh khua le Ywama khua karlak ah Kahdohnak a chuak i, tualchung mipi cu a himnak ah an zaam. March 18 ah khan SAC a dirkamh i Pyusawthi an thawn ngainak Miangkhinyan khua cu PDF nih a va kah hnu ah nihin ah PDF ralkap an um lai, tiah zumhnak khua cu SAC ralkap le Pyusawthi fonh nih rallam sial in an luh hnawh,” tiah a chim.
Chaungkoh, Ywama, Mintha, Alay khua le Kung khua hna in minung thong 20 tluk cu a himnak hmun ah an zaam hna, tiah theih a si. Credit: The Chin Post
