Related Articles
Rihkhawdar khua ah Telenor tung a puah caah phone line a tlau Chin ramkulh, Rihkhawdar khua ah a luancia zarh hnih lioah Telenor tung pawl a puah caah Telenor phone line a tlau cikcek tiah khuami pakhat nih a chim.
“A luancia zarh hnih March 17 ah Telenor tung a puah caah Telenor line a tlau dih” tiah khuami pakhat nih Chin World ah a chim. Falam peng, Rihkhawdar khua ah a ummi India-Myanmar aa tonnak hlei pawng ah a ummi CNDF sakhaan cu SAC ralkap nih March 26 ah an kah hna caah kahdohnak a chuak. Cu kahdohnak ahcun, SAC ralkap nih CNDF hriamtlai 2 le mipi 2 an tlaih hna. India-Myanmar aa tonnak hlei cungah taar a simi CNDF thandar zong SAC ralkap nih an thlak i Myanmar thandar an taar ṭhan tiah theih a si. Credit: TCP
Mindat-Matupi lamcung kahdohnak ah SAC ralkap 5 hrawng an thi: Mindat-Matupi lam cungah SAC ralkap le CDF-Mindat cu March 26 ah an i kap. Cu kahdohnak ahcun, SAC ralkap 5 hrawng an thi i CDF-Mindat cu him tein an kir kho tiah CDF-Mindat nih a thanh. March 27 ah SAC ralkap thazang 300 hrawng cu mengtung 17 pawngkam ah an i helhum len. March 27 cu Ralkap Ni a si caah zeihmanh cawlcanghnak an ngei lo tiah ralram in a rak kirmi pakhat nih a chim.
Mindat peng ah tuzarh chung phone line a rawh caah ralram a ummi le a bawmtu karlak i pehtlaihnak a har deuh caah kahdohnak thawng kan theih a tlai hi a si tiah CDF-Mindat nih a thanh. SAC ralkap thazang 70 hrawng cu mengtung 23 ah an phan cang i a hnu deuh phu pawl le mawṭaw cu meng 21-22 an phan cang tiah theih a si.
