Related Articles
Pitar nu pakhat cu Kayah State ah rawl lo le ti loin amah te lawng khua a rak sa. Kawl ralhraang nih Kayah State hi faak ngai in a tuk caah khuami hna zong ramtang ah zaam a si tikah tar lei kan ti cu a tli kho ve ti lo cu caah a tubantuk dirhmun i a um hi a si tiah Chindwin nih a langhter.
Kayah State ah pitar pakhat cu rawl lo le ti loin amah te lawng a zaam khawh lo caah khua a sa. Hi hmun hi Demoso Township, Kayah State ah a si. Kayah State hi ralhraang nih thazaang an chap ngainak hmun pakhat a si i mipi nunnak a liammi zong tampi an um cang pin ah khuami tampi nih inn lo chuah taak in ramtangah a zaam mi an tam. Hi pitar nu te cu Karenni Nationalities Defence Force ralkap hna nih an hmuh tikah a umnak hmun ah ti le rawl an pek i cu ti cun KNDF nih an zohkhenh.
Kayah mipi hna nih inn le lo chuah taakin ramtangah a zaam mi hi minung 200, 000 paoh cu a tlawm lei ah an si lai tiah theih a si. Ralhraang nih hriamnam ngan tibantuk in le a phunphun an hman caah tubantuk in khua le ram an chuah taaknak hi a si, inn 100 renglo an khangh piak cang hna pin ah inn zuat sattil hna zong tam tuk an thah piak hna tiah Chindwin News Agency nih a langhter.
Credit: Chindwin News Agency
