Related Articles
A Hliamhma He Tlaih A Tongmi Mibawmchantu Mino Pakhat A Nunnak Liam! Meithal hliamhma he SAC ralkap nih an tlaih mi Mon ramkulh, Yee pengkulh in mibawmchantu mino pakhat cu a hlaimhma thlopter an duh lo caah a nunnak a liam, tiah theih a si.
March 18 zaanlei sml 5:00 luan deuh hrawng ah khan Yee pengkulh, Waipawng khua i mawṭaw an remh lio ah SAC ralkap hna nih an kah hna i, mawṭaw remhtu pakhat a nunnak liam lengah mibawmchantu Ko Aung Khanh Hein le mawṭaw remhtu dang pakhat cu hliam an tuar. Hliamhma tuar buin SAC ralkap nih an tlaih hna hnu ah, “Nizaan zaanlei ah khan Mibawmchantu Ko Aung Khanh Hein cu a nunnak liam cang, tiah ralkap chung in thawng kan theih, Ko Aung Khanh Hein cu a tai ah meithal hliam a tuar i, SAC ralkap nih thlop duh loin a hremtu an hrem chap,” tiah tualchung mino pakhat nih a chim.
Ko Aung Khanh Hein le mawṭaw remhtu pa hi Yee ah hmunkhuarmi SAC ralkap nih an tlaih hna i, mawtmṭaw remhtu pa thih le nun kong tu cu hngalh a si rih lo. Ko Aung Khanh Hein, kum 26 cu mibawmchannak rian ah aa pumpe ngai mi a si i 2021 March thla ah khan SAC nih Wanted list ah an chuah hnu in ramtang ah a zaam ve mi a si. A nih hi khuate lei harsatnak khua kip ah kal in sianginn te hna sakpiak le hartong mi bawmhchanhnak ah ai pumpe mi a si. Credit: The Chin Post
