Related Articles
Kalay-Taingen Karah Min Hngalh Lo Ruak Hmuh A Si! Chin ramkulh, Tedim peng Hingzing khua le Taingen khua kar meng 29, farlong 4 horkuang lakah min hngalh lo mi, pa pakhat ruak le cycle pakhat cu tualchung mi nih April 19 ah an hmuh.
“A ruak hi a luancia zarhkhat ah Cycle accident tong sehlaw a lo bik,” tiah ruakhmutu pakhat nih a chim. A ruak cu a rawh tuk cang caah aho dah a si ti hngalh khawh a si ti lo. Nan chungkhar cio ah a tlau mi an um ahcun Hingzing khua mi le Taingen khua mi hna hal khawh an si.
Ukraine Nih EU Luh Khawhnak Ding I Biahalnak(Questionnaire) A Leh Ding Cang: Ukraine nih European Union (EU) member i a luh khawhnak ding ah biahalnak tuah mi, Questionnaire cu President Zelenskyy nih a leh(phit) dih cang, tiah President Volodymyr Zelenskyy office i deputy head Ihor Zhovkva nih a chim. European Commission president Ursula Von Der Leyen cu a luancia April 7 ah khan Ukraine ah a tlawng i, hi lio tan ah hin President Zelenskyy sinah EU luh khawhnak ding biahalnak (Questionnaire) cu a rak pek i, Russia he an i tukdohnak boruak ah Ukraine cu EU member an si zau khawh nakhnga bawmh aa zuam lai kong a chim.
Ukraine nih cun zarhpi nih ah khan EU luhnak ding i a herh mi documents vialte cu a tlantling dih cang, tiah Ukrainian media hna sinah Zhovkva nih a thanh. European Commission hna nih cun an bialehnak ca le document cu an rak zoh hmasa lai i, an pom hnu ah EU member an si kho te lai i, “Thawngpang ṭha kan theih te ṭheo lai tiah ruahchannak ka ngei,” tiah Zhovkva nih cun a chim. A ra lai mi June 23-24 ah European Council cu tonpumhnak ngei ding an si i, cu thlachung hrimhrim ah cun Ukraine cu European Union member a si hrim lai ruahchannak kan ngei tiah a chim. Credit: The Chin Post
