Related Articles
Kawl ralhraang nih Yinma Pin khua an luhhnawh tthan hna, tutan cu inn le vok inn tibantuk zong an khanghpiak dih hna tiah thawng kan theih. Khua mi hna zong ruang um loin an tuk an velh hna i hliamhma tuar zong an um. Tubantuk in khuami umnak inn an khanghmi zat hi inn 17 paoh cu a si lai tiah Khit Thit nih a langhter.
Khit Thit Media nih cun tihin a langhter “Yinma Pin khua ah ralhraang pawl nih mipi umnak inn 17 mei in an khanghpiak hna. Yinma Pin Myonay ah ralhraang pawl nih mipi um nak inn 17 mei in an khanghpiak hna. Ralhraang pawl hi tuni April 11 ah zing suimilam 9 le cheu in mipi inn pawl mei in an khangh piak hna pin ah mipi pawl zong a ruang um lo in an velh hna tiah khua mi pakhat nih a chim.
Mah khua hi ralhraang le ralhraang lei ttang (Pyu Saw Htee) mi pawl nih mipi um nak inn 17 le vok inn pawl zong an khanghpiak hna tiah thawng kan theih. Ralhraang pawl nih hi ti an rak luhnak hi voi 3 nak a si cang. Tutan an rak luh cu mipi inn zong an khangh pin ah vok inn pawl zong an khangh hna i mipi zong a ruang um lo in an velh hna tiah thawng kan theih” ti’n a langhter ning cu a si.
Credit: Khit Thit Media
