Related Articles
Russia and Ukraine: Russia raltuknak tinbaw (warship) cu Ukrainian missiles kahnak in ti ah a pil. Mahhi Russian warship pi hi “Moskva” ti ah kawh mi asi i Black Sea cung a kal lio ah Ukrainian anti-ship missiles nih voihnih a khen. Caan tlawmpal ah Ukrainian cozah nih Moskva Warship kan missiles nih a khen i Black Sea ah a pil tiah an thanh. A hram thok ahcun Russia cozah nih a hman lo, “Moskva” ti ah a pil lo an ti.
US Department of Defense zong nih confirm an rak tuah ve lo. Cacawn nili zaan ahcun Russia cozah nih Moskva Warship cu a chung thil meikangh nak ruang ah rili kam kan hrennak hmun ah ti ah a pil cang tiah confirm an tuah.
“Moskva Warship” hi Russian marines nih Black Sea an control nak ah a biapi tuk mi raltuknak tibaw asi i Russia caah sungh zatlaknak fak ngai asi. 1983 in Soviet Navy nih an hman mi asi i cunglei le tanglei ralvennak ah an hman mi asi. Helicopter ttumnak zong a um i 700 km a zuang kho mi missiles 16 an bunh i a cung ah ralkap 500 nih an zulh mi warship asi.
“Moskva Warship” ti ah a pil bak in Russia nih Ukraine khuapi Kyiv cu missiles in a van kah thluahmah tthan. Zahan kha voi 3 bak te Kyiv khuapi ah fak piin puahkeh nak a um ti asi. Ukraine ram pumpi “plane alarms” a awn dih i Russia nih fak piin lehrulh a timh ko ti asi. Russia-Ukraine war hi caan sau a rau rih ko lai. Mi tampi nih Ukraine hi Russia caah second Vietnam ah ai chuah lai an ti. Nihin cu Good Friday asi. Pathian fa le hna caah ni sunglawi asi.
A tubantuk caan zong ah vawlei hmun cheukhat ahcun minung an thi cuahmah ko. Kuanfang le bom lak ah an tli an zaam, ti le rawl eiawk nei lo in tamtuk an thi, umnak innlo chuah tak in ramtang le vawlei tang ah an i thup. Bawipa dawtnak ruat tthan in nunnak le caan sunglawi a kan pek hi sullam ngei in hman khawh izuam usih ti kha ka van tenh ta duh. Credit: The Chin Light
