Breaking: Tuzing Rihkhawdar Ah Fa Pahnih Ngei Cangmi Ruak Pakhat An Char Ee

Rihkhawdar ah mithi ruak pakhat an char. Nihin April 29 ah Rikhawdar i lam kap tiluannak ah miruak pakhat an char tiah theih a si.

Chin ramkulh, Falam peng, Rikhawdar No. 2 veng, ramri gate pawngte lamkap tiluannak kuar ah April 29 zinglei suimilam 7:30 AM hrawngah khan pa pakhat ruak an hmuh tiah tualchung um mipi sin in theih a si. A thi mi pa hi Rikhawdar khuapi i um mi a si, fa zong pahnih a ngei cang tiah theih a si. A min hi U Ro Sang Liana, kum 47, a si i a lu hrawng ah hin hliamhma a um chih tiah an chim.

Zeiruang ah dah a thih timi belte zeihmanh biafiang a um rih lo nain zahan hna ah khan cun a hawile he an i nuam ngai ko hna tiah tualchung um khuanu khuapa sin in theih a si tiah Zalen nih a langhter.

Maraland Defense Force Ralbawi Zik Nih Kan Policy Ah Min Aung Hlaing Doh A Hau Lo Tiah A Chim: Peng 3 nih a kulh i a rawk ngai cangmi Mara ram hi remh ṭhan ding ah Pathian nih Policy a kan pek ti hi kan fian a hau. Cheukhat nih Min Aung Hlaing kan doh an ti, kannih nih cun Min Aung Hlaing cu doh a hau lo,Mara ram kan ven khawh cun a za.

Zei ruangah Min Aung Hlaing doh a herh lo kan ti a si ahcun chungtlik in a thi kho mi a si. Abraham Lincolh nih tlaihtleng ah a hmanmi cu ramkhel lei a thiam tukmi hna hi, an ralpa hmanh hawikom ah an ser khawh ti hi a si. Kannih zong nih Min Aung Hlaing hi kan ralpa tiah maw kan ti lai, hawikom ahdah kan ser lai ruah setmat a hau.
Bawipa Jesuh hmanh nih nan ral va daw hna u tiah a ti, Cheukhat nih Min Aung Hlaing tiah an au, an khuang. Au zong a hau lo, doh zong a hau lo, dirpi zong a hau lo. Kan au le kan khuan deuh ahcun a zual chin lai.

Sianginn cachimtu saya/sayamah pawl cu CDM tuah tuah tiah nan hei forh len hna. Cacawn loin kan fale kum 5 um hna sehlaw an kum a luan deuh lai, kum 10-15 an phan lai i nupi ṭhit va ngeih lawng a tang cang. Cucaah kan policy ah CDM tuah ter ding um a herh lo. SAC ralkap he pehtlaihnak tuah i kanmah le kan rian te ṭuan ding a si ko, tiah Mara Administrative Territorial Council/ Maraland Defense Force(MATC/MDF) hruaitu zik nih a chim.

Kan hnu ah Sabawngbi khuami pakhat cu meithal kuan nih a khen caah ngandamnak lei rianṭuantu zong an um ti lo, CDM an tuah dih. Cucaah kum luan cang mi sii an thuh caah a kut zong tan aa huah deng. Kanmah chung in sii aa kenmi an um caah an zohkhenh. Hi bantuk harnak kan ton hi ngandamnak lei rianṭuantu CDM an tuah dih caah a si. CDM tuah a herh lonak kong le a lungfahnak kong cu MATC/MDF hruaitu zik nih cun a chim.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *