Related Articles
Central Bank Vice Chairman Daw Than Than Shwe An Kah: Central Bank Vice-Chairman. Daw Than Than Shwe cu Yangon, Bahan peng a inn hmai ah nihin April 7 zing slm 11:30 hrawng ahkhan meithal zunn 5 in kan kah a paw le a el ah kan khen tiah PDF phu pakhat nih Mizzima ah an chim.
” A innchung inka hram bak ah zuun 5 in kan kah, i hmun hnih ah kan khen a thi te ko lai, a dam theng lailo, tiah PDF hruaitu pakhat nih a chim i an phu min tucu a chim chih lo. Daw Than Than Shwe hi pasal ngeilo a si i a tunu pakhat he khuasami an si, Japan ram i MBA a dih hnu in Central Bank ah rianttuanmi a si, mi holhtam mi tlokciar a si caah mitam deuh nih an huat ngai tiah tualchung mi pakhat nih a chim.
Daw Than Than Shwe cu SAC siizung pakhat ah ai thlop ko tiah SAC biachimnak nawlngei Zaw Min Thun nih media hna sin ah a chim.
Falam Khuachung Ah Lentecelhnak Zuamnak A Umlai, A Huammi Poah Nih Cu Zuamnak Ah I Telkhawh A Si A ra laimi April, 11-20 tiang Falam khuachung ah lentecelhnak zuamnak a um lai. Cu zuamnak ah telve a duhmi hna nih 9.4.2022 a hnubik chia in min cazin pek a si lai. Zuamding mi phun hna cu Vallyball nu/pa, Tennis, Table Tennis, Badminton, Golf, kum-18 tang pakhat hlasak zuamnak nu/pa, Fusal hna an si lai.
Cu lentecelhnak zuamnak cu “Caholh le Nunphung” phu hruainak in tuahtimh a si i, cu zuamnak ah telve ding in min cazin pek a duhmi hna nih NRC number pek a haulai tiah theih a si. Credit: The Chin Post
