Related Articles
Seik Phyu Shar Hla khua ah ralhraang pawl nih kum 80 tarnu Daw Khin That cu mei in an khangh i a nunnak a liam. Khua luh lainak ah ralhraang pawl bomb tunhmi i lamhsual ruangah U Min Uu a nunnak a liam. Mipi pawl nih an i khonmi ei ding pawl le minung um nak inn zong ralhrang pawl nih an khangh piak dih hna.
Shia Hlah Khua ah ralhraang pawl nih April 11 zing ah an luhhnawh hna i kum 80 a si cang mi tarnu Daw Khin That cu ralhraang pawl nih a mah a inn he a nun bu in an khangh pin ah khua mi pawl nih an i khonmi ei awk pawl le inn pawl zong an khanghpiak hna tiah khua mi pakhat nih Khit Thit Media ah a chim. Mah ralhraang pawl nih khua chung i duh paoh an um hnu ah khua leeng an chuah ah ah bomb pawl an tunh ta hna i khuachung i a lut tthan mi U Min Uu cu ralhraang pawl nih an tunhmi bomb i lamh in a nunnak a liam tiah thawng kan theih.
Ralhraang pawl nih Shia Hlah khua i a um mi inn hi 30 leeng an khangh pin ah mipi an i khonmi ei ding pawl zong an khangh piak dih hna i khuami pawl zong a tu lio cu hmunhimnak ah an khua an zaam tak tiah thawng kan theih. Poh Myonay khua pathum ah ralhraang pawl nih April 11 zing le chun ah an luhhnawh hna i an inn pawl zong an khanghpiak hna tiah khua mi pawl sin in thawng kan theih.
Mah khua pathum lawng si lo in Nge Daung khua ah ralhraang pawl nih chun suimilam 3 hrawng ah ralhraang pawl nih an luhhnawh hna i an inn zong an khangh piak hna. Khua dang dang zong an luhhnawh hna i inn pawl an khangh len hna i khua mi pawl cu a himnak hmun ah an um chung i zei tlukdah an hrawhpiak hna tihi fiang in theih a si rih lo tiah khua mi pawl nih an chim ti’n Khit Thit Media nih a langhter.
