Related Articles
Thawngttha taktak ti khawh a si, April 10 ah khan Karen National Liberation Army (KNLA) le ralhraang hna cu Lay Kay Kaw ah faak ngai in an i kaap i cu ah cun ralhraang nih raltuknak vanlawng zong an hman tiah theih a si. Nain anmah ralhraang umnak hmun ah bomb an thlaksual tiah KNLA nih a langhter.
Karen National Liberation Army nih an langhter ning ahcun April 10 kahdoh lio ah ralhraang pawl nih anmah umnak hmun lila ah bomb in an kahsual hna i ralhraang tamtuk an nunnak a liam lai tiah a langhter, cu an i kahdohnak hmun hi Lay Kay Kaw ah a si. Cu pin ah ralhraang nih an hawile ruak pawl zong an laak rih lomi tampi a um tiah an langhter chap. Lay Kay Kaw hi ralhraang le KNLA karlak kahdohnak a chuah ngainak hmun pakhat a si tikah tubantuk in ralhraang nih anmah lila cungah bomb an i thlaksualmi cu thawngttha ngaingai a si.
Nihin April 12, 2022 tiangah hin cu ka hmun i a thi mi ralhraang ruak pawl an laak rih lomi tampi a taang rih. Zeitik ah dah an vun laak te hna lai tibel zeihmanh kan thei fiang kho ve rih lo tiah Chindwin News Agency nih a langher.
Hmandaw Khua Mino 3 SAC Ralkap Nih An Thah Hna Hmandaw khua mino 3 Pu Thang Bik (kum 29) le a naupa Salai Ni Dun Sang(kum 19) le Pa Lian Thio cu( kum 31) SAC ralkap nih an tlaih hna i an thah hna hnu ah an ruak van la uh tiah an chungkhar an ti hna.
Kan hnuzarh cacawn ninga ni , April 8 ahkhan Pu Thang Bik le a naupa Salai Ni Dun Lian le an hawipa Pa Lian Thio hna cu ralzam in an i dornak hmun ah an eiding facang a dih cang caah Hmandaw khuachung ah an lut i facang an va rial, an rak kir lei ah Biakinn hmai ah SAC ralkap he an i tong an tlaih hna hi asi a thaizing April 9 ah an ruak van la uh tiah an chung le thawng an thanh hna.
Hmandaw khua cu khuami nih an chuahtaknak thla 2 hrawng asi cang caah khuami nih an ruak zong an la ngamlo i Taungkhayan khua an sahhlawh hnnih nizaan April 11 ah khan an ruak cu an va lak i an vui hna tiah kan theih. “April 9 Saturday ah khan cun an thi cang tiah thawng kan theih i, An ruak hmuh rih lo si tik ah kan zum kho rih lo, (တောင်ခရမ်း) Taungkhayan ummi Kan chungkhat kan va zoh ter hna le, Aaa kan si ngai ngai ko e, an kan ti e, Sunday lawng ah bia fiang kan thei ve” tiah Pu Thang Bik i a farnu nih The Chin Post ah a chim.
Ralzam nak ah eiding facang a um tilo caah ka pa nih khuachung ah facang rial a fial hna i an rial dih i an kir lei ah SAC ralkap he an i tong i an tlaih hna hi asi,Hmandaw khua cu khuapi tein kan chuahtak cang i minung pakhat hmanh khuachung ah an umlo tiah a chim chap. Credit: The Chin Post
