Related Articles
South Korea Vanlawng Accident Ah Minung 4 An Thi: South Korea Vanlawng pahnih cu nizan April 1 chunhnu hrawng ah training exercise an ngeih lio ah an i su sual i, vanlawng khaltu pilot pali an thi.
Hi vanlawng accident-nak hmun hi Sacheon KT-1 vanlawng ṭumhmun in km 6 a hlatnak hrawng ah a si i, nizan chunhnu suimilam 1:37 ah khan vanlawng pahnih hna cu van boruak ah an i su, tiah South Korean Air Force nih an thanh. South Korea vanlawng khaltu hna cu vanlawng pahnih an i suk hnu ah emergency chuahnak in chuah an timh lio ah an thi, tiah Korean Airforce nih an langhter.
Vanlawng accident mi KT-1 hi engine pakhat hmang mi, raltuknak vanlawng hme phun deuh an si. Hi vanlawng hi South Korea Cozah tang i Agency for Defence Development le Korean Aerospace Industries hna i bawm in an ser mi a si.
March Thla Chung Ah SAC Ralkap Nih Sagaing Ramtthen Khuate 35 An Khangh: A luancia March thla thlakhat chungah Sagaing ramthen chung ummi khuate 35 cu SAC ralkap nih an khangh tiah Data for Myanmar nih cathanh an chuah. Sagaing ramtthen ah March thla chung lawng ah inn 1200 leng khanghpiak an tong i, Shwebo pengkomh ah a tambik khanghpiak an tong i Khua 17 in inn 600 leng an khanghpiak hna, cun a pahnihnak cu Yinmapin ah a si i khua 10 in inn 400 leng an khangh.
SAC Ralkap Nih Inn 8000 Deng An Duah Cang: SAC ralkap ram pumpi chung ah inn 8000 deng am duah cang tiah Data for Myanmar nih a lanhhter. 2021 February 1 in 2022 March 31 tiang ah SAC ralkap nih hmun 222 ah inn 7,973 an duah cang, Hi chung ah thlakhat chung i an duah tambik cu 2022 Febuary thla a si i inn 2882 an duah, Kan hnu March thla chung ah inn 1846 a si i a pathumnak thla cu tukum chung tthiam January thla a si i inn 1059 an khangh . Sagaing ramtthen hi a tam biknak si i inn 4954 an khangh cang, a chang ah Magwe ramtthen si i inn 1287 an khangh ve cang i Chin ram ah inn 1130 an khangh cang i a pathumnak a si tiah Data for Myanmar nih a langhterh. Credit: The Chin Post
