Related Articles
Pi Helen SAC Ralkap Nih An Tlaih Ve: April 4 ,Kyikung chek gate tlaihmi ah Khampat khuami Mai Van Sui Dim le Mai Tha Chin Hniang pin ah Chinnu pakhat Pi Helen (kum 49) zong an tlaih chih tiah kan theih.
Pi Helen cu Kalay, SanMyo ah a ummi si i a chungkhat a damlomi va veh ding ah Kalay in Yangon ah ”Chin Taung Tan” mawtaw in kal ai thawh i April 4 chunhnu slm 2:00 hrawng ah , Kyikung chek gate ah tlaih a tong ve tiah theih a si. Pi Helen cu a phone chung ah meithal he hman ai thlaknak hmanthlak a um caah kan tlaih tiah SAC thawngzamh nih an langhter. Pi Helen hi NLD party chungtel a si i a cawlcang ngaimi si tiah kan theih.
Nizaan zongah Khampat khuami nu pahnih an tlaih tthan hna The Chin Post tihin a langhter “Khampat Khua Mi Nu 2 SAC Ralkap Nih An Tlaih Hna! Sagaing Ramṭhen, Khampat ,Block 4 um mi Mai Van Sui Dim le Mai Ṭha Chin Hniang cu Yangon kal an i thawhpah ah SAC nih an tlaih hna, tiah kan theih. “Mai Van Sui Dim le Mai Ṭha Chin Hniang cu Sagaing ramṭhen, Kalay peng Gyikung khua pawng chekgate ah “Tinhtang Aung” mawṭaw kan chek i kan tlaih hna, An Pahnih in CDF-KKG he aa pehtlai mi an si,” tiah SAC Ralkap nih an thanh.
Hi hna pahnih an tlaih hna hi April 4 ah khan a si i, CDF- KKG he an i pehtlai lo, tiah an nawl ko hna nain, SAC ralkap nih atutiang cu an thlah rih hna lo. An thlah ding hna hmanh ah phaisa tampi in tlanh an hau lai, tiah thawnghram kan laknak nih an chim.” ti’n an langhter. Credit: The Chin Post
