Related Articles
TEDIM PENG AH CNA LE ZRA AN I KAP: Chin ramkulh, Tedim peng Singlei khua pawng ah Chin National Army (CNA) le Zomi Revolution Army (ZRA) cu 17 – 18 Vaupi ah an i kap tiah CNA sinin theih a si.
CNA chimnak nawlngeitu Salai Htet Ni nih ” an meithal thawng ning cun minung 20 hrawng si dawh an si, kanmah lei in hliammi kan um lo, anmah lei in pakhat a nunnak liam, kahdohnak hi minute 10 tluk a si, kahdohnak hme a si ” tiah a chim. CNA le ZRA cu 27 Vaupi zing suimilam 7:00am hrawng ah voikhat, 28 Vaupi zaanlei suimilam 3:00pm ah voikhat kahdohnak a chuak. 17 Sikpar 2021 zong ah Tedim peng, Ngawsing khua pawng ah CNA le ZRA a voikhatnak kahdohnak a chuak, a tu he hin cun voithum an i kap cang.
ZRA nih Tangkawng 16 ah atulio Chin ramkulh ah kahdohnak a chuah caah a herh ning in ralhmai kan ser lio tiah cathanh an chuah. ZRA nih 2021 ah Tedim, Tonzang peng ah PDA, PDF-Zoland, CDF-Hualngoram riahbuk hna cu an kah hna i an hrawh piak hna. Credit: The Lairam Times
