Related Articles
Breaking: Faak taktak in minutes 45 hrawng ikahdoh hnu ah People Defence Force-Htilin (PDF-Htilin) nih cun kawl ralhraang pawl Kyin khua, Htilin chung i Magwe ramkulh i a um mi ralhraang sakhaan pakhat cu an laak khawh cang. Khuachung PDF-Htilin nih cun an kah hna hlan ah a sunghkhaan dingin ralhraang pawl cu an hrocer hna nain ralhraang lei nih sunghkhaan cu an duh ve lo tikah kahdohnak cu a chuak colh tiah theih a si i minutes 45 hrawng cu faak ngai in an i kaap tiah theih a si.
Cu ti kahdohnak a chuah tikah palik sakhaan lei in minung pakhat cu a thi lai tiah fehter a si i pahnih hi faak ngai in an i hliam tiah theih a si pin ah an hriamnam tthattha zong an laakpiak hna tiah theih a si. Ralhraang lei nih hin kahdohnak a chuah le cangka helicopter an vun zuanter colh tiah theih a si i helicopter kahnak in khua inn pathum zong a rawk dih tiah an langhter. Khuachung PDF-Htilin nih cun hriamnam an kal taakmi pawl zong an laak chih. Khuachung PDF-Htilin zong hliamhma pu lo tein him tein an kir kho tthan tiah thawngthannak an tuah tiah Chindwin nih a langhter. Source: Chindwin News Agency
Mandalay Ah Ruah A Sur I Thli Fak Tuk A Hran Caah Thil Rawkral An Tam! Nizaan April 18, zaan ah Mandalay khuachung ah ruah a sur i, thli fak ngai in a hran caah Electric tung hna le inn cheukhat hna cu an rawk, tiah theih a si. Nizaan April 18, zaan suimilam 10:00 hrawng, ruah a sur hlan minutes 30 hrawng ah thlihrang nih thil a hrawh mi an um cang, tiah theih a si.
Thli a hran hnu ah zaan khuadei ruah a sur i, khuachung lam cheukhat ah ruahti aa dil. Mandalay nichuahlei Yemondaw(ရဲမွန်တော်) sangchung lampi ah nihin April 19 zinglei suimilam 11:00 luan tiang lampi cung ah ti aa dil, tiah theih a si. Ruah le thli a fah tuk caah Ayarwady tiva chung ah tilawng pahnih zong an pil, tiah theih a si. Cupinah Mandalay khuachung dihlak ngawt in mei a mit, tiah tualchung media nih an langhter.
