Related Articles
Naa (Buffelo) naupawi lio cu thah an timh ah aa khup aa bil i a ttap. China, Guangdong province, Shantou khua i naa thahnak hmunpi ah naa naupawi lio pakhat cu thah dingin an hruai lengmang ti si.
Naa nih hin an kalpinak ding hi a theih tuk tikah kal hrim a duh lo, naa thattu hna nih cun an dir hnawh hi heh tiah hruai cu an timh len tikah naa pi nih cun kal duh loin aa khup aa bil. Cu hnu zongah cun an hruai thotho i naa thahnak hmunpi ah cun an hruai tthiamtthiam tikah a mitthli luang virmar i a khup cu aa bil tthan. Pawngkap i um mi pakhat nih naa naupawi lio a cawlcangh le umtu cu a khuaruah a har ngai i online ah a phozar colh. Ramsa, ram nung humhimtu plaw nih an rak hmuh tikah an zaangfaak ngai ve tikah cu naapi cu thah lo dingin an nawl hna.
Naa cu chanhchuah dingin phasai an khawl i a chuakmi zat hi dollar 3,600 hrawng cu a si tiah an chim. Cuti cun zaangfah a hlawh ngaimi naa pi cu an vun chanhchuah tikah nau a rak pawi tik kha an theih. naa cu Huilai Jinshi, Golden Temple ah an chiah tiah an chim.
