Related Articles
Nihin April 10, 2022, Karen State kahdohnak ah Myanmar’s National Unity Government (NUG) cathanh chuah ning ahcun hi kahdohnak ah hin ralhraang lei in minung 40 paoh cu an thi lai tiah a thanh. Pin ah Ralhraang captain a simi Tin Lin Khine zong an tlaihchih, hriamnam tthatha zong an laak khawh tiah a langhter chap.
Nihin kahdohnak hi zinglei suimilam 3:30 am hrawngin aa thok tiah theih a si. An i kahdohnak hmun hi Karen State chung um i Myawaddy district chung Lay Kay Kaw hrawngah a si tiah a langhter. An i kahdoh ning zong a faak ngaingai tiah theih a si i suimilam cheu chung paoh cu an i kaap lai tiah an zumh. An i kahdohnak a fah ngai caah ralhraang lei nih Yangon in raltuknak vanlawng pahnih zong Hmawbi lei in an van zuanter tiah theih a si. Cutikah ralhraang a dohtu hriamtlai phufonh KNLA, PDF, KNDO, DBKA hna hmunhma hrawng cu an kah ngaingai tiah Chindwin nih a langhter.
Hi kahdohnak ah hin kan langhter cang bantukin ralhraang minung 40 paoh cu an thi lai tiah zumh a si. Hriamnam tampi zong an laak khawh, MA-3, one MA-2, one MA-sniper, one RPF-7, MA zawnthawng pakua zong an laakkhawh tiah NUG nih thawngh a thanhmi cu Chindwin nih a langhter.
