Related Articles
Taze ah Council ralhraang phu bomb voi hnih puah an tong i motor pakhat a kaang, ralhraang le Pyo Saw Htee 15 hrawng an thi.
Sagaing ramthen, Taze peng, Sinlaanyon le Wayinnge khuathar pawng ah Council ralhraang le Pyo Saw Htee phu komh cu April 2 zaan suimilaam 9:00 hrawng ah tualchung PDF nih bomb in voi hnih an puah hna ca ah ralhraang motor pakhat a kang i ralhraang le Pyo Saw Htee 15 hrawng an thi men lai tiah thawng kan theih. “Bomb in voihnih kan puah hna. A voi 1nak cu suimilaam 9:00 bak ah a si. A voi 2nak cu suimilaam 9:10 ah Bomb in kan puah hna,” tiah MDF- Taze Tiger nih Yangon Khit Thit Media ah a chim.
Council ralhraang le Pyo Saw Htee pawl cu MDF-Taze Tiger phu le Taze ပ.က.ဖ Shwebo pengkomh Battalion-10 phukomh nih bomb in kan puah hna i motor pakhat cu a kaang, pakhat cu fak ngai in a rawk tiah MDF- Taze Tiger phu nih an thanh. PDF lei in hliamtuar um lo tein hnu an kir than tiah thawng kan theih. Crd: THP
KNU battalion-5 i thlakhat chung kahdohnak ah SAC ralkap 118 an thi: Karen National Union (KNU) battalion-5 Papun peng ah 2022 March thakhat chungah SAC ralkap, BGF le Karen National Liberation Army (KNLA) karlak ah kahdohnak voi 359 a chuak i SAC ralkap lei in Battalion Commander 1, Deputy Battalion Commander 1 telh in SAC ralkalp 118 an thi. 59 nih hliamhma an tuar tiah KNU Mudaw thawngzamh nih a thanh.
Kahdohnak chungah SAC mawṭaw 17, mawṭaw sawhsawh 2, SAC nih hmanmi laa 2, le SAC uknak a bawmtu zung 1 kan hrawh khawh tiah a thanh. KNLA battalion-5 in Karen ralkap 10 nih ram caah an nunnak an pek i 28 an i hliam, SAC ralkap nih hriamngan kahthlorh in an kah ruangah sualnak ngei lo mipi 18 an thi i 10 an i khawng tiah Mawdaw thawng thanhnak in theih a si.
March thlakhat chungah SAC ralkap nih Papun peng chungah vanlawng in voi 13 a kah tiah KNU battalion-5 i thlakhat ca cazin ah a langhter.
