Related Articles
Peace Corps Bu Nih Myanmar an Chuahtak Cang Lai!Pumpek in Myanmar ah Siangcachimtu ramdang mi saya/mah Peace Corps Bu nih Myanmar ram an chuahtak cang lai, tiah theih a si.
SAC nih nawlngeihnak a lak hnu in ramchung ah daihnak a um lo. Pumpek in rian a rak ṭuan mi ramdang mi Saya/mah te an tlunkalnak ca zong ah a him lo ruang ah, ṭha tein kan i ruahhnu ah pehzulh ti lo ding in bia kan khiah, tiah Peace Corps in ṭuanvo ngeitu Carol Spahn nih a chim. Peace Corps Bu cu 2016 khan Myanmar ah zung on in cachimtu 84 he 2020, March thla tiang English Subject chim in ramchung khuate cheukhat ah pumpek in rianṭuan mi bu an si.
Peace Corps bu cu Myanmar ram a hlankhel bantuk in a daih hnu lawng ah rian kan rak tuan ṭhan te lai, tiah an cathanh chung ah cun an langhter. Peace Corps bu cu Myanmar ram ṭhanchonak ding ah a biapi mi fimcawnnak, Ngandamnak, Cinthlaknak, Chawleh ṭhanchonak le Mino hna an ṭhanchoh khawhnak ding caah biatak tein pumpek rian a ṭuantu an si.
SAC Nih Nawlngeihnak A Laak Hnu Ni 443 Chung Ah Thah A Thong Mi 1773 An Si Cang! AAPP nih April 19 tiang thawng a thanh ning ah Myanmar ram pumpi SAC nih uknak a laak hnu ni 443 chung ah SAC ralkap kut in civil mi 1773 an nunnak laak an si cang. Tlaih a tong mi 13,303 tiang an si cang i, Tlaih ding in nawl chuah mi 1976 an si. SAC ralkap nih an thah mi hna hi Yangon ah a tam bik an si.
Loikaw Kam Khua Pakhat Cu SAC Ralkap Nih Mei In An Khangh: Kaya ramkulh, Loikaw khua lonh khua pakhat cu SAC ralkap 30 hrawng nih nihin zanlei April 20 ah mei in an khangh, tiah tualchung mi hna sin in theih a si. SAC ralkap pawl nih an khangh lawng siloin hriamngan in an kah hna ruangah Kaya ramkulh chung ah inn 900 leng an rawk i, cu chung ah Loikaw pengkomh in inn 108 aa tel, tiah PKPF cazin ning in kan theih.
A luancia April 18 zong ah Sagaing ramṭhen, Pale pengkomh Tadin khua ah SAC ralkap pawl cu zaanlei sml 1:30 hrawng ah an lut i tualchung mi pakhat an tlaih i an thah pin ah inn an khangh hna i, inn 92 a rak ciam, tiah tualchung mi sin in theih a si. Credit: The Chin Post
