Related Articles
Nat Talin lam tonnak ah ralhraang pawl bomb in an puah hnawh hna i minung 3 an nunnak a liam, pa 7 hliamhma an tuar. Nat Talin Myonay lam tonnak ah ralhraang pawl cu Pekhu mipi vengtu hna nih bomb in an puahhnawh hna i ralhraang lei minung 3 an nunnak a liam i 7 leeng hliamhma an tuar tiah Bago Region PDF nih thawng an chuah.
Motor 1 le cycle 8 in aa chawkmi ralhraang pawl cu Nat Talin lam tonnak ah bomb voi 5 in an puahhnawh hna tiah thawng kan theih. Bago PDF nih ralhraang pawl hi nak faak hin doh an i timh caah mipi pawl zong ralhraang pawl he aa hlaatnak bik ah um ding in ralrin an pek hna tiah Khit Thit Media nih a langher.
Demosoe Peng Ni 3 Chung Kahdohnak Ah KNDF Ralkap 10 An Nunnak Liam, SAC Ralkap 50 An Thi: Karenni (Kaya) ramkulh, Demosoe peng Naungpale khua pawng ah Karenni Army( KA) , Karenni National Defense Force(KNDF) le SAC Ralkap karlak ah April 11 in 13 tiang kahdohnak fak ngai a chuak tiah tualchung mi hna nih an chim.
”Chun nitlak in kan i kahnak hi nithum a si cang, kan hnu April 11 , zing slm 7:00 ah SAC Ralkap hriamngan ruang ah KNDF ralkap 6 an nunnak liam i 20 hrawng hliam an tuar” tiah KNDF ralkap pakhat nih a chim. Hi nithum chung kahdohnak ahhin KNDF ralkap a nunnak liammi dihlak 10 an si cang i 20 leng hliam an tuar cang, SAC ralkal lei a thimi 50 nak tlawmlo an si lai tiah theih asi.
Karenni (Kaya) ramkulh chung ah Karenni(kaya) ralkap pawl le SAC Ralkap karlak kahdohnak ruang ah Lwaykaw- Taungyu lampi he ai naihnak ah a ummi khuate 5 in mipi thongnga( 5000) hrawng cu ral an zam i tthutdirnak le eidin kong ah harsa ngai in an um.
