Related Articles
HRIAMNAM THAZANG TTHAWN A HERH Miphun tthawnnak ah hriamnam hi a biapi cem ko. Vawlei cung ram tthawng zong hi an hriamnam a tthat ruangah a si ko. Ziah USA hi ramkip nih an tihzah an upat? (A dang a ruang tamipi um.)
A biapi bik cu hriamnam a si ko. USA cu hriamnam thazang ah Global rank top (1 ) a si. Russia, North Korea, Iran, Tuluk khi ziah an ning hngal ngam? Hriamnam ngan hme an naih cu, Vawleipi cozah kan ti mi UN cabuai cung hmanh ah hriamnam nih hme bia tamtuk a chim khi. Ram hme te North korea hmanh nuclear a ngeih ruangah a bia thau tuk khi. Union of Burma kan dirh hnu kan ramkhel lamthluan cu hriamtlai in aa thawk.
Cabuai cung biaruahnak ah kehlei in meithal orhlei in ball pen he biaruah a rak si. Kawl ralkap nih ralkap thazang thawng le hriamnam ngei deuh cu a upat a ttih zah cu nan theih. Nain kan nih CNA, CNF hna cu hriamtlai hmanh ah a kan ruat lo. Mi sawhsawh a kan ti men. Zei ruangah? Waa an pu hna lebang cu 21 Panglong conference ah a ra. A dam lo ruangah sizung a kal. MAH bak nih rawl a chumh piak mi a va pek ko.
Waa cu hriamnam thazang tthawng an si ruangah a si kho. A luancia kan kawlram peace process zong khi zoh ah a fiang ngai ko khi. Ziah AA khi kawl ralkap nin an ttih? Ziah KIA khi an ngamh hna lo? Ziah kan nih vial zei a kan rel lo? Cabuai cungah hriamnam in bia aa ruah mi ram ah kan um. Kan ralkap thazang le kan hriamnam tthat hrim a hau. Ramdang miphun dawtu kan daithlan lo a hau. Na thazang nan chuah a hau. Kan hriamnam tthat lawngah ralkap thazang kan thawng lai. Kan hriamnam tthat lawng ah kawl ralkap le tlangcung mi kan hawi lei nih an kan tihzah lai. Credit: Salai Elishama TN
