Related Articles
US ummi tlangval India rak tlun in Laitlang ah nupi a rak ngeimi an um pah. Atu ai tim cuahmahmi zong nan tam rih men lai. Mah hi US cozah sin ah nupi auhnak sawk tikah harnak a um te lai, visa loin Myanmar ka lut tiah USCIS (US Citizenship and Immigration Service) zung ah chim awk a tha lai lo. Upadi he ai kalh caah cozah zung pakhat nih cohlan khawh a si lai lo.
Phung ning tein nupi thit duh ahcun na nupi ding kha Yangon in India visa a sawk ve lai i India ah a ra ve lai. Delhi or Mizoram ah thitumnak tuah khawh a si lai. Asilole Thailand ah nan pahnih nan ra veve lai i thitumnak tuah khawh a si. A tha bikmi cu April 17 thawk in Myanmar ram chung rak tlawn khawh a si cang lai caah ram chung rak tlun in thitumnak tuah khi auhnak caah a tha bikmi cu a si. Credit: Salai Lungthli Tum
Tamu Ah Heroin Le Rithaisii Zuartu Minung 13 PDF Nih An Tlaih Hna: April 3 ah Sagaing ramṭhen, Tamu peng Tamu-Khampat lam ah Tamu PDF batallion 2 nih zohfelnak an tuah lio ah Khampat in Tamu lei ah cycle in a kal mi pakhat cu dirter in an check tikah heroin le rithaisii pawl an tlaih, tiah theih a si. PDF nih rithaisii a tawngthamtu le a zuartu hna umnak inn cu an hngalh hnu ah a thli tein an luh hnawh hna i, minung 13 le phone 5, key pad 1, sii-thim 300 leng, WY sii-tlang 45, heroin an bawm 3, phaisa 62400 MMK an tlaih i rithaisii he aa peh tlaih mi thilri pawl cu an khangh dih, tiah theih a si.
Rithaisii a zuartu pawl cu a donghnak bik ah tuah ti lo ding in theihternak an pek hna hnu ah ṭha tein an thlah ṭhan hna. Tamu PDF batallion 2 nih March 30 ah an chuah mi Bylaw 5 chung ah- a 4 nak a si mi Tamu-Kalay lam ah rithaisii phorh lo ding le zuar lo ding ti a zul lo mi le a phor rih mi an um ahcun kan in dimhdorh ti hna lai lo i, faak piin hmalak an si lai, tiah theihternak cathanh an chuah.
