Related Articles
Felina Cherput timi Facebook Account min ngeitu nih mipi ralkap pawl sin ah meithal kan cawkpiak khawh hna lai tiin phaisa tam ngai a hlen cang hna tiah Tahan News chirhchan in theih a si. Hi nu nih hin meithal cawknak ka theih ko tiah a chimh tik hna ah a kut i a phaan mi phaisa hna cu meithal cawknak ah hmang loin a duh paoh in a rak hman tawn, cuticun mipi ralkap a hlen lengmang hna tiah an tarlangh.
Thawngpang a leen le cangka ralrinnak cathanh an chuah colh ve, a bik in Kalay-Kabaw PDF pawl sin ah ralrin nak an tuah colh hna. Tubantuk caan hi caan ttha ah i laak ruangmang in phaisa kawlnak ah a hmangtu Felina Cherput lak ah nan i ralrinnak lai kan theihter pin ah forhfialnak zong kan rak tuah tiah an langhter. Comment tthenkhat i a langh ning ahcun CDF-Hualngoram caah meithal cawkpiak dingin India ting ruk (600,0000) bak a hleen hna tiah comment an peekmi tete zong a um.
Amah Felina Cherput zong cu comment nak ah cun a rak a lang ve “mualphoh nan ka timh tih Hualngo pawl. Ka tuah dingmi kha ka tuah ko. Uico pawl doh ngam ttung loin mah le mah, ngeihmi ramsa hna doh lengmang cubantuk thil hlei nan thiam mi a um lo hlah maw” tiah reply a tuah hna.
