Related Articles
Hakha Myonay kahdohnak ah ralhrang lei minung 30 an thi. Gangaw Myonay lei in a rak kai mi ralhrang le Hakha Myonay ralkap pawl kahdohnak ah ralhrang lei minung 30 an nunnak a liam i tamtak nih hliam an tuar tiah CNA lei nih thawng an thanh.
April 23 zaan lei suimilam 4 le cheu tluk ah Lungcawi le Lamtuk kar ah kahdohnak a chuak i an i kahdoh chung cu mi suimilam 1 tluk a si. A tu an i kahdohnak hi kee bak in a si i ralhrang nih uk nak an lak hnu in a voihnih nak a si tiah CNA Salai Htet Ni nih a chim. Hi mah doh nak ah hin CNA le CDF-Hakha hna i fonh in kah doh nak a chuak i mipi ralkap lei in hlim hma tuar mi zong an um lo tiah thawng kan theih.
Mipi ralkap lei in kah doh nak tete a um peng ruang ah nifatin in thawng kan thanh kho lo tiah an chim. February thla chung ah ralhrang lei minung 200 hrawng Kalay lei in an rak kai i an lam tluan ah CNA le group dang dang i fonh in an lam phih kan i zuam i ralhrang lei minung 100 hrawng an nunnak a liam cang tiah Salai That Ni nih a chim. Mah ralhrang a rak kai mi ah minung 10 minung 100 hrawng lawng Hakha an phan i Hakha in Gangaw lei a tum mi Gangaw lam in minung an i chap i Hakha an chuah tak tiah thawng kan theih.
Falam le Hakha in a voikhat nak a ra mi ralhrang motor pa 2 le ralhrang minung 200 hrawng a rak phor tu motor 27 cu February 27 in March 7 kar ah CNA le ralkap pawl i fonh in voi 15 tiang kah doh nak a chuak i mah kah doh nak ruang ah meng 41 lawng a si i suimilam pa 2 thluk kal ding cu mipi ralkap nih an kham lengmang hna ruang ah zarhkhat leng an rau tiah thawng kan theih tiah Mizzima nih a langhter.
