Related Articles
Falam hrambunh Ralhrang pakhat CNDF sin ah hriamnam he a zaam Chin Ramkulh Falam khuapi hrambunh Kha-La-Yah (268) ralhrang battalion chung in ralkap (private) Htet Myat Aung cu uknak latu ralhraang kuttang ah riantuan duh ti lo in CNO/CNDF sin ah a hriamnam he a zaam tiah theih a si. Atu CDM a tuah mi pa kong he pehtlai in CNO/CNDF nih, “Meithal he a rak zaam ca ah lawm man laksawng tangka pek a si i a himnak hmun ah atu ah cun kalter a si cang,” tiah 2022 April 18 ah cathanh an chuah. Credit: The Hakha Post
The Chin Post zong nih tihin a langhter “Khah Lah Yah (268) In Ralkap Pakhat Hriamtling He CNDF Sin Ah A Zaam. Chin Ramkulh, Falam Peng in SAC ralkap pakhat Htet Myiat Aung, pumpak No. (tah)တ-572557 cu SAC kuttang rianṭuan a duh ti lo caah CNO/CNDF sinah hriamtling he a zaam. CNO/CNDF nih lawmman tangka an pek i himnak hmun ah an chiah.” ti’n an langhter.
Tamu Khuapi Sianginn Pakhat Ah Umhmun Khuarmi SAC Ralkap cu PDF Nih An Kah Hna, 4 An Thi: Tamu khuachung sianginn pakhat ah umhmun khuarmi SAC ralkap hna cu Tamu-PDF nih nizaan April 17 ah an kahdoh hna i SAC ralkap minung 4 an thi tiah an thanh. Ca cawnnak sianginn hmunhma chungah umhmun khuar in khuasa mi SAC ralkap hna cu People’s Defense Force-Tamu nih April 17, chunhnu ah an kahdoh hna hi a si.
” SAC ralkap 4 an thi, sianginn cu SAC ralkap umnak hmunhma a si lo” tiah People’s Defense Force(Tamu) in ralkap pakhat nih a chim. April 13, ni zongah Tamu khuachung Maynikung(မြေနီကုန်း) sianginn hmunhma chungah umhmun khuarmi SAC ralkap le pyusawthi phufonh hna cu Tamu-PDF le ABSDF phufonh nih an rak kahdoh hna i, cu kahdohnak ah cun SAC ralkap lei in minung 4 an rak thi tiah theih a si.
