Related Articles
Kalay Myo ah khuasa, Salem Baptist Church ah member a si mi Pu Tum Sang (Thlohthang) cu nihin April 28, 2022 Zinglei suimilam 7:30 AM hrawngah khan mual a kan liam taak tiah thawng theih a si.
Pu Tum Sang cu zaanlei suimilam 2:00 PM ah khan Pastor Thla Hnem nih a vui. Taantaakmi chungkhar nan ngaihchiatnak Bawipa nih in hnem ko hna seh. Kalay Lai Mino Bu nih tihin an langher “Salem Baptist Church member Pu Tum Sang (Thlohthang) kum – 55 cu 8 April 2022; zinglei Sml. 7:30 ah Pathian sin ah aa din cang. Tantak mi chungkhar nan ngaihchiatnak Kalay Lai Mino Bu nih kan in hrawmhpi hna. Bawipa nih in umpi hna seh” ti’n an langhter ning cu a si.
Suimilam 24 Chung India Ramri Gate Kan Chek Cang Lai Tiah Mara Zatlang Bu Nih Cathanh An chuah: Myanmar ram in India ram ah phunglut lo thilri lutmi a tam tuk caah May 1 thok in India-Myanmar ramri gate cu sml 24 chung cheknak kan tuah cang lai, tiah Mara zatlang bu nih April 27 ah cathanh an chuah. 2021 February 1 ah kawl ralkap nih mizapi nawlngeihnak cu hramhram in a kan chuh, Cu ruang ah kawl miphun pawl zong an duhlonak an langhter, zung rianṭuannak in an chuak, CDM an tuah hna i hriam tiang an tlai ve.
Uknak an lak caah mizapi cu an inn le lo an chuah tak hna i India(Mara) leiah an rak zaam i kannih nih miphun, biaknak thleidannak um loin kan si khawh chung in kan zohkhenh hna, tiah an langhter. Sihmanhsehlaw ramri gate in zu, rithaisi le phunglut lo thilri hna cu an rak luhpi lengmang caah kan lung a ṭha hrim lo. Hiti an rak luhpi caah kan ram chungah sualnak a tuahmi an tam i harnak kan tong. Kan zatlang bu le kan umnak hmunram a hnorsuangtu hriamthil zong voi thum kan tlaih cang, India cozah nih a onh lomi cu kamanh zong nih kan onh ve lo.
Cucaah 2022 May 1 thok in MTP General Headquarters (Siaha) le MSO General Headquarters (Siaha) i fonh in Sub-Headquarters hna le Branch dang hna he ramri gate a simi Siasi, Chapi, Zyhno, Laki, Khaikhy, Lobo cu nikhat chung cheknak kan tuah cang lai, tiah cathanh an chuah. Ramri gate ah phunglut lo thilri nan luhpi ahcun kan zatlang phung ning in biaceih nan si lai, tiah an telhchih.
