Related Articles
Khuami pahnih cu SAC ralhraang nih meithal in an kahthah hna tiah Chindwin nih a langhter. Hi a thattu Kawl ralhraang hi Myanamr, southern region, lei a panhmi an si tiah theih a si i Taningtharyi region, Dawei district i Thayetchaung Township hrawng ah a vaakvaimi an si tiah thawngtheih a si.
Khuami pahnih hna cu an umnak Taungpioh hmun, anmah inn lila an Kawl ralhraang nih cun an kahthah hna i an inn le lo zong ciam dih cikcek in an khangh tiah theih a si, hi thil a can hi April nihnih ah khan a si. The Taningtharyi Times nih a langhter ning ahcun Aung Tan Htay timi pa cu Mae Kae khua te pawngah thil sining va hlathlai dingin a kalmi a si i cuticun an rak thah cu a si tiah an langhter.
Cun Lin Maung zong an rak kah ve i a ruak an va hmuh tikah a kut cu an rak ttem tiah an chim, Lin Maung hi March 31 ah khan Kawl ralhraang nih Dawei Township ah rak tlaihmi a si. Cu pin ah Kawl ralhraang nih Mae Kae khuate le Kyaukaan khuate pawl i a um mi inn sarih paoh cu an khangh piak hna tiah theih a si, hi thil a can hi April 2, 2022 ah khan a si tiah Chindwin News Agency nih a langhter.
