Related Articles
Ek ei an i zuam i a hawipa nih a ei duh ve lo ruangah a thah. “Kei vial ka ei taktak, nang vial na ei duh lo” tiah an hawi pahnih karlak ah i el nak a chuak pin ah thahnawnnak tiang a chuah hi a si.
Hi ithahnak hi Yangon ramtthen, Sanchaung Guh bazaar lamthluan i a cangmi thil a si. An pahnih hi sipin lei a thianhtu lam rianttuan (Municipal cleaning staff) an si tiah theih a si. Thil a can ning hi zu dawr ah zu an ding i an rit hnu ah biaelnak a chuak i Than Hteik Oo nih cun a hawipa Zaw Linn Htet cu “Ek na ei ngam maw?” tiah a hal tikah Zaw Linn Htet nih cun ” Ei ngam tuk” tiah a leh ve. Cuticun bazaar i ek inn um mi ek cu Zaw Linn Htet nih cun a va laak i a ei. A ei dih le cangka cun a hawipa Than Hteik Oo cu a peek nain a rak ei duh ti lo.
Cutikah Zaw Linn Htet cu a thin a hung ngaingai, ” Nang hi cu nu bantuk bak pei na si hi” tiah a holh pah in hnawmbawm chung a um mi namte cu a vaa laak. Than Hteik Oo a hngawng ahcun voikhat a ah i Than Hteik Oo cu a thi colh tiah Zaw Linn Htet nih palik i an tlaih hnu ah a phuan. Note: Hi kong hi kum 2020 i a cangmi thil a si, thil khuaruah har ngai a si caah kan rak post tthan mi a si.
