Related Articles
Taze Peng Ah Kum 120 Leng A Si Cangmi Portugal Miphun Hrinthlak Khrihfa Biakinn A Kaang: Sagaing ramṭhen, Taze peng Chaungyu(ချောင်းရိုး) khua ah kum 120 a hlun cangmi Portugal miphun hrinthlak khrihfa Biakinn le mi mizapi inn hna cu, SAC ralkap nih May 20 ah khua ning in an khangh, tiah tualchung mi nih an chim.
Portugal hrinthlak Khrihfa mi an umnak Sagaing ramṭhen, Taze peng Chaungyu khua cu, May 20 zinglei ah SAC ralkap an lut i an khangh caah inn kum 120 leng a hlun cangmi Khrihfa Biakinn telh in a ciam dih, tiah theih a si. Chaungyu khua cu inn 300 leng a ummi khua a si i, Portugal miphun hrinthlak khrihfa Mi tam deuh an umnak a si. Chaungyu khua cu SAC ralkap nih a voi hnihnak mei in an khangh a si cang, tiah theih a si.
Tedim Ah Ramvai Mi Mino 2 SAC Ralkap Nih An Thah Hna: Lai meithal i put in ram a vai mi Chin ramkulh ,Tedim peng Saizaang(ဆိုင်းဇန်) khuami pahnih cu SAC ralkap nih an tlaih hna hnu ah an nunnak an lak hna tiah khuami nih an chim. SAC ralkap kut in nunnak a liammi Salai Pawng Za Mawng le Salai Pawng Sun Thang hna cu Hmuapi(မွှာပီး) khuapawng ramlak ah ni 6 chung ram an veih hnu an kirlei May 21 ah SAC ralkap he an i tong i an tlaih hna hnu ah an thah hna tiah chungkhar he neihniam in ummi nih a chim.
“Anmah he hmunkhat ah ram vaih in a kirti mi hna cu hmai ah an kalchung caah an luat, Lai meithal he an si caah CDF in an ruah hna i tlaih an ton hi a si, inn an phanhlo caah hlathlainak tuah hnu lawng ah an nunnak a liam cang tiah theih an si. An pahnih in CDF chungtel tiin ruah an si caah SAC ralkal nih an thah hna” tiah a chim. Khuachung mi pahnih thah an tonnak kong he pehtlai in SAC ralkal lei media nih cun cu khuami pahnih hna cu CDF chungtel an si tiah an tial.
SAC ralkap kut in nunnak a liammi hna he neihniam in a ummi hna nihcun anmah cu mi sawhsawh an si, ramvaih in a paw ai cawm mi an si tiah an chim. Nunnak liammi Salai Pawng Za Mawng cu kum 29 a si i, Salai Pawng Sun Thang cu kum 21 a si. Cazin kan lak khawh ning ah SAC ralkap nih hramhram uknak an lak hnu ah SAC ralkap kut in Chin ramkulh chungah nunnak liam mi 200 tluk hrawng an si cang, cu chung in minung 6 cu Tedim khuami an si tiah RFA nih an tial. Credit: The Chin Post
