Related Articles
Tlukruannak Le Mahte Khuakhan Lairelnak Kong Kan Ceihmi Cu SAC He Hnatlaknak Kan Ngei Tiah MNSP Nih Chim: Tlangcung mi hna tlukruannak le mahte khuankhan lairel khawhnak ca ah Min Aung Hlaing he hnatlaknak kan ngei, tiah Mon New State Party(MNSP) in chimphuannak nawlngeitu Naing Aung Ma Nge nih a chim.
Remdaih tonbiaruah sawmnak ah Min Aung Hlaing le MNSP Vice Chairman Naing Aung Min nih a hruaimi bu hna cu, May 23 ah Naypyitaw ah sml 2 chung hrawng ceihmainak an ngei, tiah theih a si. “Cu tonbiaruah ceihmainak ah hmailei Federal ram phunghrampi ṭial ding, tlangcung mi le rawnmi tluk ruannak le mahte khuakhan lairelnak ca ah ramkulh phunghrampi ṭial khawh nakding kong hnatlaknak kan ngei,” tiah Naing Aung Ma Nge nih a chim.
“Federal ram phunghrampi ṭial nakding caah an cohlan, a tak in an ṭuan ding a tang. Ramkulh phunghrampi ṭial ding zong an cohlan. Tlukruannak le mahte khuakhan lairelnak zong an cohlan,” tiah A chimchap. Tu lio rampi buaibainak kong ah MNSP nih Min Aung Hlaing an chimhmi cu- remdaih tonbiaruahnak a kaimi hriamtlai phu 10 pinah, a dang hriamtlai hna he ramchung asiloah ramleng ah ceihmai ding le ramkhel party dihlak he tonnak lam kawl ding an hal. Cu pinah rampi buaibainak kongah telh tlak a simi vialte an i tel khawhnak ding lam kawl ding zong an chimh.
Ttha Tein Zohkhenh Lo Ahcun Monkeypox A Karh Tuk Te Lai Tiah WHO Nih Thanh: Monkeypox zawtnak a ngei tiah lung hrinhmi hna hi tha tein runvennak le thlopbulnak tuah asi lo ah cun hmailei ah tampi a karh khomi a si tiah WHO nih an chim. WHO nih an theihkhawh tawkah Monkeypox zawtnak a ngeitiah fehtermi mizaw 92 le zawtnak a ngei lai tiah lunghrinh mi mizaw 28 an um, zawtnak ruangah nunnak liammi cu an um rihlo tiah theih a si.
Cu zawtnak a ngei mi hna cu Britist, Spain le Portugal ram hna ah tambik hmuh a si. Australia, Belgium, Canada, France, Germany, Itally, Netherlands, Sweden le American ram hna zongah cu zawtnak cu hmuh an si. Monpeypox zawtnak a ngei tiah fehtermi hna le a ngei lai tiah lunghrinhmi hna cu Monkeypox zawtnak a rak chuahtawnnak hmunhma ah a umkalmi an si lo leng ah, ngeihtti khat nuamhnak tuah mi hna sin zongah cu zawtnak cu an i chawnhlo tiah WHO nih cun an chim. Monkeypox zawtnak a ngeimi hna he neihniam in a ummi hna sin ah cu zawtnak i chawnhnak a cangtiah an chim chap. Credit: The Chin Post
