Related Articles
Tlangzar Kahdohnak Ah Chin Ralkap 9 A Nunnak Liam! Chin ramkulh, Falam peng Tlangzar khua ah nihin May 5 zing suimilam 5:00 in, CNA/CDF le SAC ralkap kahdohnak a chuak i Chin ralkap 9 an nunnak liam tiah kan theih.
Thawng kan hlat khawh tiang ah Chin ralkap a nunnak a liam mi hna cu:- 1. Salai Thawng Hup Lian, 2. Salai Tha Hlei Sang 3. Salai Dawt Tha Cung, 4. Salai Van Biak, 5. Salai Thawng Tha Peng hna nih ram le miphun caah an nunnak an pek. Hi vial hi tutiang The Chin Post nih kan fehter khawh mi an si. SAC ralkap lei in a tlawm bik 18 hrawng an thi lai tiah zumh asi . SAC ralkap nih Tlangzar Khua 16 an khangh. Tlangzar khua mi hna cu a himnak hmun ah an zam dih, tiah kan theih.
Falam Khua Chung Ralzam hna FTIMT nih bawmhnak an pek hna. Atu lio rambuai ruang ah Falam khuapi panh in ral a rak zam mi hna cu Falam Township IDPs Management Team (FTIMT) nih nihin May 5, 2022 ah bomhnak pawl an pek hna tiah kan thei. Hi bawmhnak pek nak hi Chin Baptist Convention (CBC) zungah tuah a si i thazaang peknak le thlacam piaknak zong an ngeihpiak hna. FTIMT lei in Salai Nhgepi, Rev Dr F Thiam Uk, Sm Bawi Hlei Cuai, Sy Lal Awm Pui le Salai Van Lal Cem Bik pawl nih an telpi hna tiah theih a si.
Falam khuapi ah ralzam in a rat ra mi hna hi Chuncung, Dokțhek, Ramthlo, Tlangzar, Thlanrawn, Rialti, Zalai le Lungrang khua hna an si. pe, nga Tin le chungkhar 1 ah Ks.20,000/- cio an pek hna. Credit: The Chin Post
