Related Articles
BreakingNews: Tonzan khua ah a ho si ti hngalh lomi pa pakhat a ruak in an hmuh. Chin ramkulh, Tonzaan khua ah nihin May 28, 2022 zinglei ah VMBC biakinn pawngah ruak pakhat an hmuh i a ho si ti an thei lo tiah khuami hna sin in thawng kan theih. A thi mi pa i a paw ah naam sawhnak hma an hmuh i a ruak pawng ah cycle pakhat an hmuh chih tiah Zalen nih a langhter.
A Dang Relchap, Aung La teitu Ridder le Bigdash i thongh ding ni le caan a fiang cang: Friday (cawn ninga), 22 July ah khin ONE Championship ah taisawmh pahnih i cuh a um lai, hi an i thonghnak ding hmun hi Singapor ah a si lai. Two-division (rihzaan-2) ah ONE World Champion a simi Reiner de Ridder nih hin a taisawmh pakhat middleweight cu a hlaan i champion a rak si balmi Vitaly Bigdash he i cuh dingin an i phomh lai, an pahnih i tthuat ding hi main event ah an chiah lai.
De Ridder hi MMA a cawlcanghnak (career) ah tuanbia ttha taktak a ttial, mi zeihmanh nih an tei khawh rih lomi a si. A min din ah hin “The Dutch Knight” tiah an auh i judo le Brazilian Jiu-Jitsu zongah taisawmh nak (black belts) a hmu veve cangmi pathawng pakhat a si. MMA ah aa thongh ka in nihin tiang ah sungh ngei lo in 15-0 bak in teinak a hmuh, cun mi a teinak hna zong hi 100/87 percent tluk bak i a ttha mi a si. A vikvak zong a ttha i ground fight (vuak-tlaih) zong a thiam taktak.
A luanciami kum 2020 October thla ah khan kum 31 a si cangmi nih hin two-division i ONE World Champion a simi Aung La N Sang zong round khatnak ah submission in a rak tei i middleweight taisawmh zong a rak chuh phahnak kha a si. Cun Ridder le Aung La cu caan rau lo te thla ruk hnu ah light heavyweight taisawmh i cuh tthan dingin an an i tong tthan cu ah cun Ridder nih hin Aung La taisawmh light heavyweight cu a chuh tthan i Aung La taisawmh pahnih bak in a chuhpiaktu pa a si.
Cun De Ridder nih cun February thla ah khan aa tlaih cuahmahmi middleweight taisawmh cu ONE Welterweight World Champion a simi Kiamrian Abbasov sin in a venhim khawh tthan, cu zong cu round thumnak ah a kut a benghter tthan. Cu caah “The Dutch Knight” nih hin aa ngaih tukmi Bigdash he cun an i phomh kho cang lai. Bigdash hi middleweight division a si caah Ridder taisawmh pakhat ONE Middleweight World Title cu a thaap lai, teinak a hmumi paoh nih inn ah i ttinpi a si cang lai.
Bigdash hi Russia miphun a si i MMA record 12-2 ti’n teinak a hmu, voihnih a sung ve. October 2015 lio ah khan Bigdash nih hin Igor Svirid timi pa cu teng lak in a rak KO i sui zong a rak co phah, cu thok cun Bigdash cu laar hram aa thok. Bigdash nih hin January 2017 ah khan Aung La N Sang hi ONE Middleweight World Title an rak i cuh tan ah Bigdash nih a rak tei i a taisawmh a rak himven khawh.
Hmanhsehlaw thla nga hnu ah Aung La nih a taisawmh cu a chuhkhawh tthan cucu Bigdash MMA aa thonghnak ah a voikhat sunghnak a rak si. Cuticun voikhat a sung tthan, hmanhsehlaw lung dong lo tein aa zuam tthan nak nih teinak a hmuh tthan, kan hnung February thla tan zongah Aung La he an voithum itonnak ah a rak tei phah kha a si. Cuticun De Ridder nih a ken cuahmahmi Middleweight taisawmh zong i cuhkhawh tthannak ah hmunhma sangbik a conak zong a si. Ridder maw na zumh deuh Bigdash dah, na ruahnak comment ah rak ttial ve.
