Related Articles
US ram, Massachusetts ah Monkeypox (zawng zawtnak) timi zawtnak thar hmuh a si. CBS thawngthanhnak nih a langhter ning ahcun, kan hnung cawn nithum ni ah khan Massachusetts health officials lei in thawngthanhnak a um i cucu monkeypox timi zawtnak an hmuhchuahmi hi a si tiah an langhter.
Hi zawtnak thar hi US ram ah a um bal lomi zawtnak a si, tukum 2022 ah United States ram ah avoikhat an hmuh tharmi a si. The Department of Public Health lei nih an chim ning ahcun hi zawtnak thar hi upa cangmi pa pakhat sin in kan hmuh, cu pa zong cu kan hnung te ah khan Canada ah khual a tlawng tiah theih a si ti’n an chim. Hmanhsehlaw hi zawtnak thar hi zapi caah ttihnung tukmi a si lem lo tiah Department lei nih an chim ve.
Hi zawtnak a ngeimi pa zong cu siizung ah an tehpi colh ve, tutiang ahcun a nih zong a ttha ngai ko tiah DPH lei nih cun an chim. A tu zong a hawikom a chawnhbiak deuhmi le a pehtlai deuh timi sin paoh ah hlathlainak an ngeih cuahmah lio a si tiah DPH lei nih an langhter chap.
