Related Articles
House Speaker Nancy Pelosi Pasal An Tlaih, Dan An Pek: US ram House Speaker Nancy Pelosi pasal Paul Pelosi cu May 28, cawn niruk zan ah zulhphung lonh in mawṭaw a mawngh caah an tlaih tiah Fox News nih a ṭial. Paul Pelosi cu California ramkulh Napa County ah kan hnuzarh niruk zan 11:44 pm ah an tlaihmi a si. An tlaihnak a ruang cu zu a rit deuh buin mawtaw a mawngh caah a si tiah theih a si.
Zinglei 4:13am ah thongah an khumh nain amahkhan nak caah US$5,000 an liam i May 29, zarhpi zing 7:26am ah an chuah than tiah Napa County tuanvo ngeitu hna nih an thanh. Paul Pelosi cu kum 82 a si cang i House Speaker Nancy he 1963 ah chungkhar an rak dirh. Nancy Polosi pumpak ca chimrelnak nawlngeitu nih cun “Nancy Pelosi hi a pasal thil tonmi kongah aa thlak lai lo, a ruang cu mah hi cu pumpak kong a si caah a si” tiah a chim.
SAC Ralkap Nih Inn 600 Hrawng Mizapi Inn An Hrenh Cang: CRPH, NUG, PDF hna he nan i pehtlai ti in SAC ralkap nih inn hrenhpiak mi inn 600 hrawng a si cang tiah theih a si. 2021 February 1 in 2022 May 20 tiang SAC ralkap uknak dohdal ruang ah inn 586 kharpiak an si tiah ISP – Myanmar nih cathanh a chuah. Inn hrenhpiak a tong mi hna chungah a tambik cu mizapi inn hna an si i inn 373 nak tam an si i 63.7 % a si. Hluttaw Palai hna ngeihmi inn 147 nak tam hrenhpiak an tong i 25% hrawng a si.
NLD party chungtel hna le party ngeihmi inn 66 nak tam an hrenhpiak hna i 11.3% a si tiah ISP- Myanmar nih a langhter. Inn hrenh piak nak a tambik nak hmun cu Sagaing ramtthen a si i inn 159 nak tam a si , Yangon ramthen ah 122, Mandalay ramthen ah 88, Magwe ramthen ah 48, Irrawaddy ramthen ah 47 nak tam hernhpiak an tong. Credit: The Chin Post
