Related Articles
Tuzing ah Uico ralhraang nih kan farnu Aye Nanda Zin Hwe cu CDF chungtel na si ti’n an tlaihnak thawngpang cu theih cio a si tikah lung a faak ngaingai. Hi thawngpang he pehtlai in Salai William HC nih a facebook timeline ah a rak i tarmi cu ralhraang nih an ttialning/chimning paoh in Media pical kan i ngeihmi hna zong nih kan ttial in kan leh ding a si loh tiah a ti.
Salai William HC facebook timeline ahcun tihin a langhter “Ralhrang Nih Halkha Ah Aye Nanda Zin Hwe cu Halkha, Cawbuk sang, Gangaw-Halkha lampi check gate ah Halkha in Yangon kal aa timh lio ah Hakha Maan motor kan check i CDF chungtel Aye Nanda Zin Hwe cu, May thla 18 ah kan tlaih’ tiah nihin May 21 ah an langhter.
Aye Nanda Zin Htwe hi, Thantlang peng, Ngaphaipi khuami a si i, CDF a si hrimhrim lo, CDF hna an khua an va luh lio ah an uniform aa hlan i hmaan aa thlakmi a si. CDF a silo ning kha zapi theih a si. Ralhrang ttial ning poh Chinholh in leh colh kha media pical tuah lo ding a si, CDF a sitak maw sitak lo, a silo ahcun a silonak kha hlat i, ralttha ngai in online ah langhter kha media pical tuah kel zong a si.
Media pical kan in ngeihmi hna zong nih mah bantuk kherhlai hleng loin, ralhrang ttial ning poh in nan leh le ttial peng cun, Chin mipi pei lungretheih nan kan chapchin lai cu.” ti’n a langhter ning cu a si. A langhter ning ahcun kan farnu hi CDF chungtel a si hrimhrim lo ti si i, media pical kan i ngeihmi hna zong nih biatak tein kan dirkamh awk le CDF chungtel a si lonak kha faak ti’n kan langhter ding a si tiah a sawh duh bik.
