Related Articles
Kan pasalttha hna raltuknak ah aa hliam mi a rannak in siizung tlikpi nak caah ti’n Vaurawng nih an aupi mi cu mipi hna thawngin mawtaw cawk a si cang tiah Vaurawng lutlai pakhat a simi Lal Siammaw nih a timeline ah a rak langhter cang.
“Kan miphun zawnruahnak le dawtnak he raltuknak ah hliam a tuar mi hna nih rianrang te in sizung ttha an phak khawhnak ding caah ti in mipi nih nan kut nan raksamh mi $ achuak mi in mizaw phurhnak cu Vaurawng nih tlamtling te in Kan cawk cang, mah mi zaw phurhnak mawtaw hi Aizawl hrambunh CRCM Kan mizaw vialte a zohkhenh tu bu nih an zohkhenh lai, mipi chaw le va Petu vial te Bawipa nih a letza in thluachuahnak in pe chin ko hna seh.(Share)” ti’n a langhter ning cu a si.
Yemyatni Palek Sakhaan lakding in Htilin-PDF nih an kah hna, PDF pakhat hliamhma fak a tuar caah hnu an tolh ṭhan: Magway ramṭhen Htilin peng Yemyatni Palek sakhaan cu nizan zanlei sang ah kan kah hna i SAC Ralkap lei thi le hliam an um kho tiah Htilin PDF nih cathanh an chuah.
An cathanh ning ah May 16 zaan suimilam 8 le minute 10 hrawng ah Yemyatni khua um mi palek sakhaan cu Htilin PDF nih sakhaan lak ding in timhtuahnak kan ngei i kan luhhnawh hna caah kaphnih kar kahnak a chuak cu kahdohnak ah cun kan ralkap lei pakhat cu kuan nih a khen i a hliamhma a fah tuk caah hnu kan tolh ṭhan.SAC Ralkap lei in a thimi le hliamtuarmi an um kho thawng kan hlat cuahmah lio a si tiah an langhter.
Htilin PDF nih March 17 zong ah Htilin peng Cin(ကျင်း) khua Palek sakhaan zong an rak lak bel cang.Cu lio kahdohnak ah cun sakhan hmu pakhat telh in a kut tang mi pathum an rak thah hna i palek 11 a nung in an rak tlaih hna pin ah an hriamnam zong an rak lak nak kong cathanh an rak chuah.
