May 19 Kahdohnak Ah Kawl Ralhraang 100 Chungah 40 An Thi A Taangmi Hliamhma An Pu Dih

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Ye-Oo Peng Kahdohnak Ah SAC Ralkap 40 An Thi: Sagaing ramṭhen Ye-Oo peng Poahta khuachung mei in a khaangtu SAC ralkap hna cu an kir lei, May 19 chunhnu suimilam 3:30 ah bomb puahhnawh an tong, tiah theih a si. SAC ralkap hna cu minung 100 hrawng an si i, Ye-Oo in Poahta lei an kal lio ah Poahta khua cu an khangh, an chuahlei ah tualchung hriamtlai phufonh nih bomb an puahhnawh hna caah kahdohnak a chuak.

“SAC ralkap hna cu timhcia tein hmanh mi bomb in puahhnawh an si i, pee (ft’) 100 tluk naih in kan kah hna caah an dihlak ngawt in hliamhma an pu,” tiah YeeOo PDF in nawlngeitu pakhat nih a chim. Minutes 20 tluk kahdohnak ah SAC ralkap 40 hrawng an thi i, an ruak cu Tayattaw(သရက်တော) khua pawng ah an khangh hna, tiah a chim chap.

Kahdohnak a chuah hnu in SAC ralkap hriamngan kahnak ruangah civil mi 5 an nunnak a liam i, 10 nih hluamhma an pu, tiah theih a si. SAC ralkap hna cu YeeOo PDF, YeeOo pah-kah-phah phu, Shweboo pengkomh battalion le KhinOo PDF nih an kahdoh hna, tiah theih a si.

Sagaing Ramṭhen Kahdohnak Ah SAC Ralbawi Pakhat Tel In Ralkap 8 An Thi: Sagaing ramṭhen Ayardaw peng, Htantawkung(ထန်းတောကုန်း) khuachung building pakhat ah umhmun a khuar mi SAC ralkap hna cu tualchung hriamtlai phufonh nih May 17, zinglei suimilam 6:30 hrawng ah luhhnawh in an kahdoh hna. Cu kahdohnak ah cun SAC ralkap ralbawi pakhat tel in ralkap 8 hrawng an thi. Tualchung hriamtlai phufonh lei in 4 nih hliamh an tuar, tiah Chindwin Attack Force nih cathanh an chuah.

Htantawkung(ထန်းတောကုန်း) khuachung dotthum tluk a sang mi building pakhat ah umhmun khuar mi SAC ralkap 30 leng cu May 17, zinglei suimilam 6:30 ah khan kahdoh an tong i, chunhnu suimilam 2:30 hrawng ah SAC ralkap bawmtu an phan, tiah theih a si. SAC ralkap pawl cu Monywa pengkomh battalion 3, tat-khuai 3 Ganungnat(ဂဠုန်နက်) PDF le ṭangrual phufonh hna nih an kahdoh hna. Cu kahdohnak ah cun tualchung hriamtlai phu lei minung 4 nih hliamhma an tuar. Hriamthil thazaang an i thlau tuk caah tualchung hriamtlai phufonh lei cu hnu an tolh ṭhan, tiah Chindwin Attack Force nih an thanh. Credit: The Chin Post