Related Articles
Min Aung Hliang nih Kawl rampi nawlngeihnak a laak tikah hmunkip um Chin (Lai) miphun kan lung a faak i kan ngaih a chia cio, a tawifiannak in ram le miphun caah ti’n kan pasalttha hna a nunnak a liammi zong an tlawm ti lo. Thangthar mino tete nih an thisen an pekchanh hi a tam ko cang. Cutikah kan theih cio bantuk in Vaurawng nih hehchat tiah tlang a au i mipi zong nih kan/an sikhawh tawk cio in ram le miphun caah ti’n ngeihchiah chawva ngeihchun te cu thawh cio a si.
Tutan zong Vaurawng nih a khua khua in tlang auhram aa thok tthan mi ah khua tam ngai nih kan ralkap CNA/F caah ti’n USD (US dollar) tamlak thawh cio a si cang. Vaurawng nih tlang an aumi chungah khua 20 nih CNA/F caah an thawh cang i cu a chuakmi dihlak hi USD 26, 38, 000 a si. A tanglei ah hin Israel R Thang nih a thawhmi khua le an thawhmi zat cio a rak langhtermi zohkhawh cio a si. Miphun le ram caah an i pekchanhnak hi a lak a si hrimhrim lai lo i teinak kan hmuhnak caah lam tampi a sialtu a si hrimhrim lai. A thawh ve rih lomi khua zong nih thawh khawh a si i caan tampi a um rih.
“CNA/F Bawmhnak Caah Khua min in A Thawh Cang mi Hna Record (Via Vaurawng Zuunthil). 1. Vanzang USD 230, 000 (Vanzang khua hi voi tamnawn an thawh cang i a diklak an thawhmi hi USD 500, 000 Leng asi lai**Star bak an si) 2. Hriphi 100, 000, 3. Thlualam 105, 000, 4. Thau 180, 000, 5. Bualtak 120, 000, 6. Hrawngvun 100, 000, 7. Vantlang 130, 000, 8. Hmunlipi 120, 000, 9. Cawbuk 110, 000, 10. Hriangkhan 100, 000, 11. Farrawn (Hakha) 100, 000, 12. Phaikhua 50, 000, 13. Sakta 100, 000, 14. Sopum 100, 000, 15. Tlangrua 170, 000, 16. Khampat 100, 000, 17. Lungler 103, 000, 18. Zokhua 200, 000, 19. Malsawm 100, 000, 20. Tikir 50, 000. Palhmi le hrelhmi um sual ahcun kan remh țhan te lai. Khua tampi nih thawh dingin phaisa an i khawl cuahmah lio asi. Update kan tuah than te lai. Zapei bengh piak hna usih” ti’n Israel R Thang Facebook timeline ah hmuhkhawh a si.
A cunglei kan rak langhter bang, tutan dothlennak ah hin pumpak kan biapit rualrual in a Khua zong hi kan rak biapi tuk, kan dothlennak ah hin pumpak in siseh a khua in siseh thazaang kan chuah a herh taktak. A bik in hriam a tlai ve lomi kan unau ramthumnak um le bang nih cun kan thinlung kan ruahnak hi kau deuh in kan chiah a herh taktak. Ngeihchiah chawva tel lo in minung thazaang lawng cun cawlcangh a har ko cang cucu theih cio a si. Kan pasalttha hna nih an nunnak an peek caan lawngah hin lungfim hlah usih, a zeitik caan paoh ah kan mit au ning a tthat a biapi tuk.
