Related Articles
Gangaw thlanglei YDF camp pakhat Vanlawng in SAC ralhrang nih an kah caah nunnak liam mi um: Nizaan May 26 ni ah SAC ralhrang nih YDF camp pakhat cu raltuknak Helicopter in an va kah hna caah mipi vengtu ralkap lei in nunnak a liam mi an um tiah YDF nih an langhter.
“Nizaan ah Ke ralkap pakhat hmanh hmang lo bak in Vanlawng in an rak kan kah caah kanmah lei nunnak liam mi an um nak hi a si” tiah YDF in nawlngeitu pakhat nih a chim. Ralhrang lei ttang pawl nih cun nizaan May 26 ah khan Helicopter kahnak ruangah YDF lei minung 7 nunnak liam tiah online in thawng an zamh len ve. Asinain YDF nawlngeitu lei nih cun hi kongah zei hmanh chimfian mi an ngei rih lo.
YDF le PDF nih an uk mi hmunhma pawl chuh awk ah an i zuam, asinain anmah taktak tanglei in ra lo in Vanlawng in an rat mi nih hin an kan chuh khawh lo zia a langhter tiah mipi ralkap lei in nawlngeitu pakhat nih a chim.
