Related Articles
SAC nih Ramkhel ton biaruahnak Sawmnak Cu CNF Nih An Cohlang Lo
1.Dohthlennak a tuahtu tlangcung hriamtlai vialte i, an hruaitu hna he tonbiaruahnak le ceihmainak ngeih ding kong cu 2022 April 22 ah Min Aung Hlaing nih a chim kan theih.
2. Ramkomh kawlram buaibainak vialte hi, cabuai cungah ceihmai ding cu kan rak aupi peng mi a si. Ramkhel biaruahnak le ceihmainak ah aa tel ve dingmi Stakeholder zong an tel lai, a karlak ah ramdang mi zong an um lai. Ramkhel buaibainak vialte cu a phi kawl a herh ko.
3. Cucaah ramkomh kawlram buaibainak hi tel awk a si vemi Stakeholder vialte aa telmi ramkhel biaruahnak in a phi kawl a herh. CNF cu mizapi he kan ṭangṭi lai, tiah cathanh an chuah.
SAC Kut In Nu 170 An Nunnak Liam Cang: Min Aung Hlaing hnruai mi SAC hramhram in uknak lak an i zuam ni thok in a tutiang ah nu 170 leng an nunak a liam cang tiah Barmese Women’s Union(BWU) nih May 4 ah an thanh. AAPP le BWU nih data an lak khawh mi ning ah 2021 February 1 in 2022 April thla tiang ah khuapau dohthlennak a nunnak liam le SAC ralkap meithal kuanvai nih a khen hna ruang le ralphaw caah tlaih i thah an ton ruang ah an nunnak liam mi an si hna tiah an langhter.
BWU nih a thanh ning ah tlaih a tong mi nu hi an dih lak ah 2055 an si i cu chung ah minung 153 cu sualphawt an si i Cu 153 chung ah minung 29 cu a a sang bik sualphawnak caah hrithlai, thih hlanlo thong le kum 10 leng thong thla ding in biaceih an si tiah theih a si. Credit: The Chin Post
