Related Articles
Karenni National Defence Force B-12 phu nih mipi sin ah bawmh an hal, cucu Sniper cawknak caah a si i Emergency tuk in kan herh ko cu caah mipi nih nan kan bawmhnak lai kan in nawl ko hna tiah cathanh an chuah. Karenni National Defence Force hi tutan dothlennak ahcun a tthawng ngaingaimi hriamtlai phu pakhat an si, ralhraang he zong voi tamlak aa doh/kaap cangmi an si, a nunnak liammi zong tampi an um nain ralhraang an thahmi hna le tlaihmi hna zong ceilak an si ve cang.
Nai nizaan tihni zong ah khan KNDF le Kawl ralhraang karlak kahdohnak KNDF lei nih ralhraang a tlawm lei minung pakul paoh an thah khawh hna, a nung in minung panga hrawng an tlaih hna pin ah hriamnam ngan he hme he tamlak an laak chih tiah thawng theih a si. An i kahdohnak siseh ralhraang a nung in an tlaih khihmi hna tete zong Video tete an rak thlahmi chung in zohkhawh an si, KNDF hi uar an um ngaingai kan nih Chin miphun zong nih kan miphun an si loh ti loin tutan dothlennak ahcun kan i ruang dih timi lungput ngei in na ngeihchiah chawva tlawmpal te kha bawmh khawh cio i zuam hna usih.
Khit Thit Media ahcun tihin an langhter “KNDF B-12 pawl nih emergency in sniper kan herh ko, mipi lei nih kan bawm ko uh tiah bawmhhalnak an tuah. KNDF B-12 page ah messenger in bawmhnak (donate) tuahkhawh a si tiah thawng an thanh” ti’n a langhter. Bawmh a duhmi nih KNDF B-12 page timi ah chawnhbiak khawh an si lai.
