Related Articles
A hnubik Tahan bomb puakmi thawngpang a si: Nau no a ngei liomi Nu Puipuii telh in minung pathum nih mual a kan liam taak, hliamhma faak piin a tuarmi zong an um rih. Hi Bomb hi SAC ralhraang nih Tahan khuachung ah muih lai sang hrawng an puahmi a si tiah theih a si.
A tubantuk in SAC ralhraang pawl nih Lairawn Tahan khuachung ah zeikhua ruat loin bomb le hriamnam dangdang cu heh tiah an puahhnawh leen hna, Tahan khuachung lawng si loin a pawngkap um khua tete hna zongah puahhnawh an tong ve tiah an chim. Tubantukin thil a can hi zahan May 28 ah khan a si i, Kalaymyo Tahan veng A Group le B Group ah zaan suimilam 7:0 PM hrawng in a si lai dah, cu ah cun meithal puah thawng le puahkeh thawng a thangmi theih thluahmah a si tiah khuami hna nih an chim.
Suimilam 7:33 PM hrawngah miakpi a thang taktakmi puah thawng cu theih a si i Tahan veng tthenkhat hna cu mah le humhimnak ca kawl in an tli an zaam hna tiah theih a si. Suimilam 7:54 PM hrawnghrang zongh bomb a puak tthan i a thang taktak, tuan a puakmi nak in a thang deuh tiah khuami hna nih an chim. Agape siizung hnu lei ah bomb a tla i Minkin in Tahan lei ah ralzaam in a rak ra mi hringtu a nu le fa kum 20 tluk cu bomb puahnak cun an nunnak a liam. An pawngkap i um mi hliamhma faak ngai a pu vemi Puipui, nau a cawi lio mi khi (a fapa hi thla ruk hrawng a si) nganfah zong ing manh loin May 29 zinglei suimilam 1:00 AM hrawngah a nunnak al iam ve tiah Tahan Khawpui Facebook Group chirhchan in theihmi a si.
Tahan B Group i Sianginn chak lei i um mi nungak Rudy Malsawmthari (Rody-i) zong bomb a puakmi nih a hnak a pehchih i a faak ngaingai tiah The Tahan Post zong nih a langhter. Sekan lei in nu pakhat nau no ngei liomi zong bomb nih a tlak hnawhnak ah a kut orhlei a bul. A dirhmun zeitin a si timi fiang in theih a si rih lo.
