Related Articles
Falam pengah khuami pakhat ralhrang nih an thah i, uniform hruh ter in CNDF kan thah tiin an langhter: Falam pengah khuami pakhat Za Hum Mang cu ralhrang nih an tlaih i an thah hnu ah uniform hruh ter riangmang in CNDF kan thah kawh tiah anmah ralhrang thawng thanh tu nih an langhter.
May 29 ni ah khan an khua ah ralhrang cu an rak lut i Za Hum Mang nih hin a hmuh hna tikah lau in a zaam caah an tlaih i an thah. Cu hnu ah uniform an hruh ter i CNDF kan tlaih khawh tiah an langhter. “Ka upa Za Hum Mang hi CNDF, PDF na si tiin an kah colh. CNDF uniform an hruh ter hnu ah CNDF kan tlaih tiin an langhter hnu ah mei in an khangh. Ka upa hi mi sawhsawh a si ko. Khuachung i a inn a um lio ah ralhrang cu an rak lut i a lau tikah thil ai tim i a zaam caah an tlaih mi a si. Cu ti a zaam tikah an tlaih i an thah. Cun a ruak zong fiang lo ding in mei in an khangh.
Ka lung a fak tuk. A nupi le fale a kal tak hna” tiah Za Hum Mang upa nih a chim. CNO nih May 29 ni ah Zawlpi khua ah ralhrang nih khuami 3 an tlaih hna i an thah hna hnu ah mei in an khangh hna tiah an langhter. Credit: SM
Chin National Organization(CNO) Nih Kahdohnak Cathanh An Chuah: Sagaing ramṭhen, Kalaymyo Taungphilar lamṭhen ah umhmun khuarmi SAC ralkap pawl cu, 2022 May 28 zan sml 8:00-10:00 tiang CNDF,CSS, UG, PDF Battalion 8, PDF Battalion 12 le GRF hna i bawm in kan kah hna, tiah cathanh an chuah. Cu kahdohnak ah SAC ralkap 2 an thi i, 3 hliamhma an pu. SAC ralkap nih hriamngan an kahmi cu Tahan sangah a tla i, tualchung mi 3 an nunnak a liam.
Chin ramkulh, Falam peng Zawlpi khua lei a kalmi CNDF ralkap 2 cu, SAC ralkap nih an kah hna caah Zawlpi khuami 1 le CNDF ralkap 1 an nunnak liam. An ruak cu SAC ralkap nih mei in an khangh hna. CNDF ralkap 1 aa hliam, tiah an langhter.
