Related Articles
Russia Ram Tiang A Kap Khomi Rocket Cu Kan Pe Lo: Biden, Lamhlat a kap khomi hriamnam (rocket) hna cu Ukraine sinah nan pekchanh lai maw tiin thawngpang latu nih May thla 30 ah khan President Joe Biden cu a hal tikah “Kan pe lo” tiah a leh hna. Ukraine nichuahlei ah Russia nih fak taktakin kahdohnak a tuahmi kong he pehtlaiin lehrulh/teirul chamnak caah tiin Ukraine nawlngeitu hna nih lamhlat a kap khomi hriamnam (rocket) hna cu an hal.
An halmi hriamnam hna lakah KM 300 tiang a kap khomi hriamnam (rocket) zong aa tel. Joe Biden hruaimi US cozah nih Ukraine cu raltuknak ah a herhmi hriamnam tampi a bawmh chanh cang. Sihmanhsehlaw Russia he ralthawhnak a chuahter dingmi tiangin cun tuah lo dingin le hrial dingin, US cozah nawlngeitu hna nih an i zuam ve ti mi fiang tein theih khawh a si.
Atu ahcun Russia ralkap hna nih Ukraine nichuahlei ah biatak tein kahdohnak an tuah cuahmah i, Febuary thla chung, Ukraine ram an tuk hlan deuh ah “Zalonnak hmun a si” tiah Russia nih thawngthanhnak an tuahnak hmun dihlak ngawt cu an laak khawh cang.
Kaya Ramkulh Chungah Ralzaam Sing 2 Leng An Um tiah KCSN Nih Thanh: Shan ramkulh chaklei, Phaekhung peng kahdohnak ruangah ralzaam dirhmun in phanmi minung 5000 hrawng an i chap caah Kaya ramkulh chungah ralzaam dirhmun a phanmi dihlak hi sing 2 leng an si cang tiah Karenni Civil Society Network(KCSN) nih an thanh. KCSN nih a khomhsuatmi cazin ning bantuk in Kayin ramkulh chung ralzaam dirhmun phanmi dihlak hi minung 2,02,115 an si cang tiah May 30 ah khan KCSN in Khu Koral(ခူးကိုရယ်) nih a chim.
Kahdohnak a chuah ruangah a himnak hmun ah a zaammi ralzaam sing 2 leng hi nuhrin covo lei ah an sung ngaingai, tiah KNHRG in Director U Bangia nih a chim. SAC ralkap chimphuannak nawl ngeitu General Zaw Min Htun nih cun ralzaam dirhmun a phanmi hna caah minung hawidang cung har tongmi bawmhnak pek khawhnak ding caah NGO, INGO phu hna he lungtlinnak kan tuah bantuk in, bawmhnak a phanh khawhnak ding ah kan tawlrel lai, tiah RFA ah a chim.
SAC ralkap nih nawlngeihnak an lak kumkhat chungah civil mi thah a tongmi cu minung 249 le hliamhma tuarmi 198 an si i, tlaihkhih a tongmi 320 an si cang tiah KCSN nih an cazin ah an langhter. Credit: The Chin Post
