Related Articles
A tu kan rak langhtermi hi CDF-Zotung pasalttha le A ngaknu tthitumhnak an tuah i Pathian an tthangtti lio a si. Hi CDF pasalttha hi ram le miphun caah tin hriam a tlai ve mj a si i kahdohnak ah a mit pakhat a rawk pin ah a kut pahnih zong a bul. Hmanhsehlaw duhdawtnak timi mizeihmanh nih an khenkham kho lo ti hi a rak dik tuk. Sunglawi tein a thaisung nu he tthitumhnak zong an tuah khawh.
Pathian an thangtthat tti mi zoh tikah, an hlabia le sullam cu thei in hngal hlah hmanhsihlaw hnarruh cu a ttam ve. Kut ttuh (lem) aa bunh i biatak ngai in Pathian thangtthatnak hla an vun sak tikah celh awk a ttha lo. Mah nih duh bang a si ti lo ram le miphun caah cun ti’n a kut lr a mit a pek, Pathian tu nih an khuasak tintuknak ah lam hruai in thluachuah ko hna seh.
Kan miphun nih tubantuk pasalttha hi kan herh taktak, cun zumh awk a tlakmi a thaisung nu bantuk zong hi kan herh fawn tthat caan lawng cohlan si loin chiat ton caan zongah a lung aa thleng lomi le an/kan siining a cohlang kho tu kan herh hringhran. An hlasak lio zoh tikah thinlung a suk hringhran ko. A tanglei ah hin Pathian an thangtthat tti nak Video zohkhawh a si.
