Related Articles
Thawngpang ttha taktak theih a si, nihin May 7, Karenni ramkulh, Hpruso peng, hmun pakhat ah Kawl ralkap le KA, KNDF faak ngai in an i kaap tiah theih a si. Hi kahdohnak ah hin KA, KNDF lei nih ralhraang minung pakul paoh cu an thah hna.
Hi kahdohnak hmun hi lam thluan ah a si i Kawl ralkap hi mawtaw he an si tiah theih a si, KA, KNDF nih an bawh hna tikah ralhraang minung pakul an thahkhawh hna pin ah hriamnam le thilri zeimaw zat an laakpiak hna tiah Kayah Li Phu Channel nih a langhter. Cu lawng hlah Kawl ralkap a nung in minung paruk an tlaihkhawh hna tiah theih a si. Hi kahdohnak Kawl ralkap nih an hmanmi mawtaw pali zong KNDF nih ciam lak in an khanghpiak hna The Hakha Post zong nih tihin a langhter “KA, KNDF nih ralhraang 20 hrawng an thah hna i a nung in paruk an tlaih hna, ralhraang motor pali zong an khangh.
Nihin (May 7) Karenni ramkulh, Hpruso peng hmun pakhat ah SAC ralhraang le KA, KNDF an i kap i ralhraang 20 hrawng an thi tiah Kayah Li Phu Channel ah an thanh. Hi raltuknak hmun ah ralhraang a nung in paruk an tlaih khawh hna pin ah hriamnam le thilri zong an laak tiah kan theih. KNDF lei nih ralhraang motor pali mei in an khangh i ralhraang a nung in an tlaih mi hna le hriamnam an lak mi zong video an thlah mi ah hmuh khawh a si.” ti’n an langhter ning cu a si i an i kahdohnak lio Video zong a tanglei ah zohkhawh chih a si.
