Related Articles
El Periodico journalist Emilio Perez de Rozas nih a tarlangh ning ahcun, Barcelona defender Gerard Pique le caan saupi a kawp cangmi Shakira te pahnih cu zarh tam ngaite hmun dangdang ah an um cang ti’n a langhter.
Vawleicung theih ah Popstar laar taktakmi Shakira nih Gerard Pique nih hin nu dang lakah zumhawktlak loin an rak um cu naite lawng khan a theih tikah ngaihthiam khawh lo dirhmun tiang an phaan, i tthen tiang zong an i tim phah tiah journalist pa nih cun a tarlangh ning a si. Report nih a langhter ning ahcun Pique nih hin Shakira he khua an sak ttinak inn in a chuak i zarh tam ngaite cu amah lawng khua a sa cang. Pique nih hin a caan tam deuh u cu Party nak le Nightclub tibantuk hna ah caan a hmang deuh, an i tthen colh men lai ti’n thawngpang a leeng ngaingai.
Thawngpang dik/hman cu chim khawh si rih hlah hmanhsehlaw journalist nih cun hibelte hi cu fianghlang ngai in a chim ve. “Hi ti a si ruangah amah (Shakira) zong nih i tthen dingin biachahnak a tuah” tiah FA lei in cathanh an chuah. “Thil ttha cu a si lem loh nain a cang cangmi cu zei ti awk a ttha ti lo. An pahnih kar ah thil a um cang caah chim ding dang zei a um ti lo” tiah an tarlangh chih.
Thawngpang Dang Relchih: CDF-Mindat Phaisa Fir Puh A Tonnak Kongah Pu Manglian Nih Fianhternak A Tuah! 2022, June 1 ah local media le Myanmar media dang Chin World, Zalen le a dang media hna nih an langhtermi: – ‘CDF-Mindat phaisa cu Aizawl khuasa Pu Mang Lian nih a fir i, dik lo ngai in a hman’ tiah puh a tonnak kongah Pu Mang Lian nih fianhternak a tuah.
“2021, March thla ah Mindat NLD palai hlun simi U Aung Tan cu Aizawl ah a phan i CDF-Mindat hriamthil zalhnak caah bawmhnak a hal. Keimah zong nih ka tikhawh tawk tein ram le miphun bawmh canah tiah U Aung Tan cu kan inn ah kan rak umter i Mindat caah bawmhnak hmuhmi phaisa le NUG nih bawmhnak a pekmi phaisa cu keimah tuahkhawhnak lam in bawmhcan ah tiah ka chuahpiak. Phaisa chuak/lutmi cazin zong ka langhter.
“U Aung Tan cu Delhi a phan tiah ka theih i, phone in pehtlaihnak ka tuah ko nain ka pehtlai kho lo. Keimah cu Aizawl ah khuasa mi ka si i, khoika hmanhah ka tli in ka zaam lo, media tampi nih a tlizaam ti in keimah hmanthlak lawng siloin ka chungkhar hmanthlak tiang zong an tarlangh chih. Thil dik taktak theih lo in kapkhat sualpuhnak an tuah hi phungning lo a si. Anmah pathum he pehtlai in fiang tein langhter lomi zong a um rih. Thil sining fiang tein theih a duhmi nih zeitik caan poh ah pehhlaihnak nan ka tuah khawh.” tiin a phone number +91 6009749097 langhter in Pu Mang Lian nih media ah a chim.
