Related Articles
Tamu-Kalay Kar Kal Rih Lo Ding In PDF Battalion 3 Nih Ralrin Pek Sagaing ramṭhen Tamu-Kalay kar ah kahdohnak a chuah caah a hohmanh kal rih lo ding in PDF Battalion 3 nih, nihin June 8 ah ralrin peknak cathanh an chuah.
June 7 ah PDF Battalion 3 le ṭangṭi phu i bawm in Nanmon Tar – HkunMon Nun(နန်မွန်းတားကျေးရွာ-ခွန်မွန်နွန်ကျေးရွာ) khua kar ah SAC ralkap he kahdohnak atu le atu a chuah caah Tamu-Kalay lampi ah khual tlawn rih lo ding, khual tlawng mi phurh rih lo ding in ralrin peknak cathanh an chuah. Mizaw zualmi an um i kal lo awk ṭha lo a simi hna lawng kal ding. Nan kal tik zong ah nan motor thlalang nan hun lai. Motor mei van buin nan kal lai, tiah an langhter.
June 7 zing sml 10:00 hrawng ah Kalay in Tamu lei a kalmi SAC ralkap motor 10 cu Tamu peng Nanmon Tar – HkunMon Nun(နန်မွန်းတားကျေးရွာ-ခွန်မွန်နွန်ကျေးရွာ) le Yanlin Phai khua kar ah PDF ṭangṭi phu hna nih an rak kah hna.
SAC Ralkap Nih May Thla Chung Ah Inn 7000 Leng An Khangh: SAC ralkap nih thlakhat chung ah Myanmar ram pumpi inn 7000 leng an khangh tiah Data for Myanmar nih cazin lakning in theih a si. May thlachung ah SAC ralkap nih Sagaing ramthen ah inn 6000 leng , Magwe ramthen ah inn 900 leng , Chin ramkulh ah inn 169 an khangh hna.
SAC ralkap nih hramhram nawlngeihnak a lak ni 2021 February in 2022 May thla tiang ah inn 18882 an khangh cang i Sagaing ramthen ah inn 13840, Magwe ramthen ah 2055, Chin ramkulh ah 1316 a si cang tiah an langhter.
May thlachung ah an khangh mi inn cu luancia April thla ah an duah mi inn nak in Inn 3309 a tam deuh.Inn meiduah in hrawhpiak a tong mi hmunhma hna ah SAC ralkap le mizapi vengtu ralkap hna karlak ah kahdohnak a fak i mipi zong ral an zaam peng rih ko .
