Related Articles
A poi tuk ti hlei chim ding um ti lo, Kalay-PDF minung pahra (10) bak SAC ralhraang nih an hriamnam he kan tlaih hna tiah thawngthanhnak an tuah. Naihrawng Kalay khuachung hrawng thawngpang hi a dik lo ngai, nizaan tihni te zongah Tahan khuachung le a pawngkap ah bomb le hriamnam ngan he chat tiah an puah, nau no ngei liomi he minung pathum an nunnak a liam.
Nizaan zong Kalay Peng Natchaung khua zong an khangh tiah thawng kan theih, kahdohnak zong a chuak i ralhraang nih hriamnam ngan an hman caah ngakchia kum 4 telh in minung 5 hliamhma faak tuk an tuar tiah Chin World media nih a tarlangh tthan. Pumpak kan thlacamnak cio zong in philh hrimhrim hna hlah usih. Tuzing June 1, 2022 zongah Kalay-PDF minung pahra bak hriamnam he kan tlaih hna tiah an thawng an chuah.
Tubantuk kan rak langhtermi hi Chinland Morning News nih a ttialmi a si i, a ngeitu hi Salai William HC a si i an tlaihmi hna hmanthlak he a tanglei ah tihin ca a ttial chih “1/6/2022, Kalaymyo PDF minung pahra kan tlaih hna tiah Ralhrang nih an thanh” ti’n a langhter. Thawngpang dik a si ko ahcun Kalay-PDF lei zong nih cathanh an chuah te ttheu lai dah.
