Related Articles
Nai hrawng thawngpang a leengmi: Naihrawng thawngpang a leengmi cu CDM a tuahmi zong Kawl uico ralhraang nih an tlaih pah lengmang hna ti a si. Hakha/Thantlang peng hrawngah hin cun cubantuk thawngpang cu a um tuk lo nain Tedim peng hrawnghraang hna ah hin cun an tlaih ngai cang hna tiah theih a si.
CDM (Civil Disobedience Movement) tuahmi hna zong nan him lo ngaingai tinak a si i, kan i raalrin taktak cu a herh ko. Naihrawng le bang cu CDF (Chinland Defence Force) chungtel na si tiin kan mino tete zong tlaihkhihnak thawngpang theih lengmang a si. Tlaih an kan duh ahcun CDM kan tuah lo pek, CDF chungtel kan si lo pekah, kan sualnak an kawl lai i an kan tlaih ko lai. Cu caah a bikin CDM tuahmi le CDF chungtel hi cu midang nak in a hleikhun in kan i ralrin ngaingai cu a herh ko.
Cun naihrawng CDF chungtel na si tiah tlaihkhih a tongmi hna hi an phone ah CDF uniform (angki) siloah hriam an tlaih lio hmanthlak tete kan hmuh hna tiah ralhraang aw-aan langhter ning a si tawn. Hi kong zong hi biatak tein kan i ralrin a herh, tette (prove) an hmuh cang ahcun zei chim a um ti lo, CDF kan si pek si lo pek ah CDF he aa pehtlaimi hmanthlak paohpaoh cu kan hlonh dih awk a si. Tu chan cu chanthar kan ti lengmangmi hi a si, Kawl ralhraang chung zongah mifimthiam tampi (electronics lei thiammi) an um lai cuh. Hi hmanthlak hi cu hika zawn ah ka chiah lai i an hmu kho lem lai lo tiah ruah ding a si bak lo, na thiam mi kha an thiam dih ngawt, a poi lai lo kan timi nih kan dihdonghnak an kan phaakter khawh ti hi philh lo ah a ttha.
Cu caah a cunglei ah kan rak langhtermi he pehtlai in CDM tuahmi siseh CDF chungtel paohpaoh cu hawi hlei in kan i ralrin ding bak a si ko, Tedim peng hna ahcun tuhi an tlaih thluahmah cang hna ti a si. Siaherhnak taktak he ka rak thlahmi a si, kan tei hlan tiang lungrual tein ttang ttualmal rih ko hna usih, Cun tubantuk dothlennak ahcun zumhawktlak le dinfelnak hi a biapi bik ko, kan sikhawh chungin cucu i tlaihchih ko hna usih.
